Home Gobierno Limite di salario ta aumenta entrante 1 januari 2019

Limite di salario ta aumenta entrante 1 januari 2019

3880
0
SHARE
- Advertisement -

E lo bira Afl. 4.277,88 pa luna

ORANJESTAD (AAN): Ministerio di Asuntonan Social y Labor y Departamento di Labor y Investigacion ta anuncia aumento di e limite di salario pa aplicacion di e Ordenansa Laboral 2013 entrante 1 di januari 2019.

E Ordenansa Laboral 2013 ta e ley cu ta regla e condicionnan di trabou, manera entre otro e oranan maximo cu por traha pa dia of pa siman, dianan di sosiego, pago di overtime y pago di dianan di fiesta. E Ordenansa Laboral 2013 no ta aplicabel pa tur trahado, pero ta conta solamente pa e trahadornan cu ta cay bou di e limite di salario.

Actualmente e limite di salario aki ta Awg. 4.106,76 pa luna (2.4 x e salario minimo di Awg. 1.711,15 pa luna) of Awg. 49.281,12 pa aña.

Entrante 1 januari 2019 e factor cu ta acopla e limite di salario di e Ordenansa Laboral 2013 cu e salario minimo ta subi di 2.4 pa 2.5.

Esaki ta encera cu e limite di salario nobo di e Ordenansa Laboral 2013 lo bira:

Awg. 1.711,15 x 2.5= Afl. 4.277,88 pa luna of Awg. 51.334,56 pa aña entrante 1 di januari 2019.

Tur trahado cu ta gana e salario aki of menos lo cay entrante prome di januari 2019 bou di proteccion di e Ordenansa Laboral 2013 y tin derecho riba tur e condicionnan di trabou stipula den e ley aki.

Ta pidi tur doño di trabou pa tene bon cuenta cu aumento aki cu ta drenta na vigor prome di januari 2019.

- Advertisement -

DUNA COMENTARIO

Please enter your comment!
Please enter your name here