Home Gobierno Mehora calidad di zebrapad y hacie mas efectivo ta un di e...

Mehora calidad di zebrapad y hacie mas efectivo ta un di e prioridadnan na inicio di aña

119
0
SHARE
- Advertisement -

Minister di Infrastructura Otmar Oduber:

ORANJESTAD (AAN) – Den conferencia di prensa cu Minister Otmar Oduber, Titular di Infrastructura, a bin e pregunta: “ta ki dia DOW ta bay uza bon material pa pinta zebrapad”, y esaki pa motibo cu poco luna pasa un par di plug a sali pinta varios zebrapad na Oranjestad, un di nan dilanti edificio di antes DOW, y ya e color a kita mescos cu e señal aki di trafico no ta existi mes.

E mandatario a admiti cu tin e problema aki y pa hopi aña caba. E mandatario a señala cu pa hopi aña DOW ta uza un material pa pinta e camindanan y el a combersa riba esaki cu director di DOW y tambe cu e plugnan cu ta haci e trabao.

E ta na haltura cu tin biaha ta pinta tres biaha pa aña e mesun zebrapatnan den e areanan concerni. E dignatario ta haya cu si mester busca un solucion pa esaki. E ta wordo bisa cu pa e clima mes di Aruba hopi biaha ta dificil pa e color no kita, ni si busca un material mas caro.

No obstante, a palabra cu pa cuminzamento di aña lo haci algun test rond pa wak ki solucion por tuma. Segun Minsiter Oduber hopi biaha ta wak den direccion di Europa pero e ta kere cu mester wak un tiki mas den direccion di Merca y paisnan cu ta mas similar na Aruba, pa busca material mas duradero.

Banda di hisa e calidad di material pa pinta zebrapad na nos camindanan, e mandatario ta haya cu banda di esaki por  haci un mihor trabao kizas poniendo sistema di refleho riba caminda, drempel prome cu zebrapad cu ta hala mas atencion di e automobilistanan, y mas borchi.

E dignatario a subraya cu lo pone mas acento riba e aspecto aki y siman pasa den Parlamento, a dicidi cu lo cambia e tecnologia y e forma di produci drempels of polis drumi. Aworaki ta costa casi 15 mil pa 20 mil florin cada un di nan, y e ta kere cu por wordo hacie hopi mas economico y den mas lugar cu tin peligro den trafico pa e peaton cu ta cana riba acera y cu cruza caminda via zebrapad. Esaki sigur lo tin prioridad na cuminzamento di aña, e dignatario a conclui.

- Advertisement -

DUNA COMENTARIO

Please enter your comment!
Please enter your name here