Home Politica MEP ta recorda Mike Eman cu “Cannabis Recreacional” no ta punto di...

MEP ta recorda Mike Eman cu “Cannabis Recreacional” no ta punto di agenda

211
0
SHARE
- Advertisement -

ORANJESTAD (AAN): Riba Diaranzon, MEP a opina cu e momento a yega pa Fraccion di AVP mester stop di hunga den Parlamento y bira serio.

Tratamento den Parlamento di Presupuesto di Pais Aruba ta algo serio. Pero un biaha mas nos ta wak con Mike Eman ta manda su ‘Kleuterklassers’ miho conoci como Fraccion di AVP, bay para ripiti cu 1+1=3 den reunionnan cu pa Aruba ta sumamente importante.

Den programa di gobernacion di Gobierno, ta sostene un ehecucion di ley pa Cannabis Medicinal. Teniendo na cuenta cuanto hende na Aruba ya ta uzando e azeta di Cannabis pa trece alivio den malesanan incluyendo cancer. Tambe por scucha testimonionan di hendenan rond mundo kendenan a haya alivio y hasta a worde cura di un of otro malesa.

Cannabis recreaccional niun momento ta riba agenda di Gabinete Wever-Croes ni di Partido MEP. Tampoco ta riba mesa di discusion den e tratamento di Presupuesto den Parlamento. Sinembargo nos ta mira con Mike Eman ta manda su alumnonan grita den Parlamento manera ta un speelschool a manda nan. Ta tempo pa Mike Eman y su Fraccion comprende cu tempo di hunga a pasa. Pueblo a bisa nan ta basta cu hungamento den Parlamento y ta tempo pa bira hendenan serio.

MEP ta ripara un Mervin Wyatt Ras no tin nada otro di puntra cu si Gobierno tin pensa di duna les contra uzo di droga na school. Esaki ta trece e pregunta cu n’e: Gobierno di AVP no tabata trece conscientisacion di droga na schoolnan durante 8 aña largo anto? Acaso Parlamentario Wyatt Ras ta insinua cu maestronan durante 8 aña no ta duna conscientisacion na nos muchanan na school?

Mike Eman ta parce mas bien di tin hopi interes pa Cannabis recreaccional worde aproba pa Parlamento. Porta cu pa Mike Eman esaki lo conbini su mes personalmente y ta p’esey mes e ta manda su Fraccion keda hammer riba e topico aki cu ni pa Gobierno ni pa Fraccion di MEP ta riba mesa. E unico topico riba mesa ta Cannabis Medicinal.

Loke Mike Eman mester cuminsa haci ta pa duna su ‘Kleuterklassers’ instruccion pa bay trabao, traha, informa nan mes cu realidad. Parlamento no ta un Speelschool. Ta tempo pa nan cuminsa stop di manipula mente di un pueblo cu no ta ignorante. Ta tempo pa nan stop di pensa cu pueblo ta ignorante. Ta tempo pa Fraccion di AVP cuminsa hiba debatenan na nivel serio y al caso. Ta tempo pa nan cuminsa tuma ehempel di Parlamentarionan di MEP y traha y hiba debatenan cu ordo.

- Advertisement -

DUNA COMENTARIO

Please enter your comment!
Please enter your name here