Home Parlamento Mervin Wyatt-Ras: Ministro a keda cu klompen bisti desde e protocol cu...

Mervin Wyatt-Ras: Ministro a keda cu klompen bisti desde e protocol cu Hulanda

85
0
SHARE
- Advertisement -

ORANJESTAD (AAN): Parlamentario drs. Mervin Wyatt-Ras den su discurso tratando presupuesto di enseñanza, economia y cultura a cuestiona pa loke ta trata nos economia y finanzas publico e minister di finanzas y economia. Wyatt-Ras a trece padilanti su preocupacion pa loke ta efectonan di “crisisheffing” riba nos hendenan, especialmente esnan vulnerable y esnan cu ya caba no tin hopi placa den nan cartera.

Nan mester cumpli cu pago di vivienda, comestibles, productonan, pago di awa, coriente, gasoline y school pa nan yiunan. E “crisisheffing” a dal nos hendenan duro y a haci hopi dolor. Nos hendenan humilde a ser castiga.

Gobierno lo introduci un sistema di impuesto nobo. Den e contestanan di gobierno na nos fraccion ta menciona cu lo no menciona mas riba factura e tipo di impuestonan, manera BBO, BAZV y BAVP, sino solamente un bedrag. Esaki no ta un forma transparente di anda cu nos hendenan. Y asina tambe por sigui subi prijs sin cu e consumidor por wak kico ta e impuestonan riba su slip ora e cumpra algo. Un dado momento ta haci cu nos hendenan ta kere cu no tin ningun belasting. Esaki ta pa tira santo den wowo di nos pueblo. Ta kico gobierno aki ta kere cu nos hendenan no sa?

Net pa un minister cu tabata reclama tur cos den parlamento. Un minister cu a pidi pa CAft bin Aruba y a cana entrega rapport na tur hende na Hulanda cu tin mega debe awor a zorg pa hisa gastonan di gobernacion. Pues ta obvio cu no tabatin mega debe.

Costonan di aparato gubernamental a subi cu 130 miyon segun CAft en comparacion cu realizacion di 2017.  Di con ta skohe pa medidanan envez di baha gasto di operacion di gobierno y di personal cu a kita hende y a nombra mas. Gobierno aki no ta serio, segun Wyatt-Ras.

Pa loke ta trata introduccion di un sistema di impuesto nobo, Wyatt-Ras a puntra gobierno di con no tin conseho di Banco Central? Tampoco no tin conseho di CBS, ni di e departamento economico, comercio y industria? Pregunta cu el a haci ta ki efecto e reformacion fiscal lo tin riba inflacion? Ya caba prijsnan di producto, cuminda, vivienda, awa, coriente, gasoline ta subiendo, ki lo ta e efecto di e reforma fiscal riba esakinan?

Pa loke ta trata cambionan fiscal minister a informa parlamento cu den promer fase no por spera influencia riba poder di compra. Pa fase 2 te cu 4 mester haci calculacionnan ainda. Wyatt-Ras a puntra ki ta efecto di e cambionan di ley di impuesto, introduccion di crisisheffing y adaptacion di IB y grondbelasting pa p.e.un persona cu tin salario minimo lo ser contesta den reunion?

Minister por duna nos bista di e impacto di reforma fiscal y introduci crisisheffing, cambionan di IB/LB y grondbelasting pa persona di salario minimo, salario 2500,-; 3500,-; 4000,-; 4500,-; 5000,-.?

Tanto e entradanan di winstbelasting como entradanan di omzetbelasting BBO, BAZV, BAVP a keda atras riba calculacion di 2018. Wyatt-Ras a puntra con ta bay haci cu esaki? Lo pone esakinan den nota di cambio?

Pa loke ta trata e protocol cu gobierno di Aruba a firma recientemente cu Hulanda, sin consulta cu Parlamento, a entrega Aruba su autonomia. Paso awor ta Hulanda ta dicidi pa gobierno di Aruba cu tin cu entrega tur meevallers dus no por inverti esakinan den proyectonan pa e pais. Tanto cu nan a critica gobierno anterior.

E minister di Financiën y Economia cu anterior tabata grita den Parlamento cu e ta para pa autonomia y a para duro grita un “toontje lager”. Tanto el a grita den parlamento den pasado cu tin mega debe awe na lugar di baha gasto ta haci net lo contrario di hisa esaki excesivamente.

E minister aki cu antes tabata grita cu e ta para fuerte den su zapatonan awor cu Hulanda a kita su zapatonan e tin cu cana cu klompen bisti.

 

- Advertisement -

DUNA COMENTARIO

Please enter your comment!
Please enter your name here