Home Parlamento Mike Eman ta duna muestra di ta contra pueblo y no kier...

Mike Eman ta duna muestra di ta contra pueblo y no kier wak ningun mehoracion

100
0
SHARE
- Advertisement -

Parlamentario Edgard Vrolijk: 

ORANJESTAD  (AAN): Segun Parlamentario Edgard Vrolijk, por a ripara cu mientras  ta bay ta cerando aña 2018 y pueblo ta cla pa cera aña den harmonia y sigur den felicidad familiar,  ta haya e ex Promer Minister Mike Eman ta trece su mentiranan di custumber y manera un Angel di Desaster ta purba trece discordia y rabia den pueblo.

Mike Eman ta duna muestra di ta contra pueblo y no kier wak ningun mehoracion pa un pueblo cu a ser laga financieramente vulnerabel unda tin di bay paga un debe relata na GDP di 90%, unda cu un baby cu nace awe ya tin un debe di 40.000 florin ta colga riba su cabes.

Anto segun Eman, nos tur incluyendo e baby aki tin cu paga e debenan aki cu hopi orguyo y cu lo dura te cu aña 2039 pa nos debe nacional relata na GDP baha y yega bek na 50%.

Reforma fiscal

Un Promer Minister Evelyn Wever-Croes a tuma e decision grandi y importante di percura pa duna pueblo bek y tur luna laga extra placa atras den nan cartera. 30 mil hende riba e pais aki lo no paga loonbelasting y 25 mil hende lo conoce rebaho di nan loonbelasting. 12 mil propiedad lo no paga grondbelasting y 16 mil propiedad lo conoce rebaho.

Y den e cambio aki propiedad di riba 750.000 florin lo conoce un aumento. Tambe lo conoce aumento di accijns riba alcohol y tabaco y pues ta keda na cada ciudadano pa haci su escogencia. Pa e siguiente fase 2 di reforma fiscal lo defini kico e belasting indirecto lo bira y tambe lo wak e SIN tax pasobra mundialmente ta trahando cu alma y curpa pa combati obesidad y tambe malesanan cu ta bin hopi biaha cu obesidad manera problema cardiovascular, sucu cu ta un peso grandi riba AZV.

Mentiranan di Mike Eman

Lamentablemente Mike Eman a scoge pa gaña y trece manipulacion den e dianan di fiesta aki. Echo ta cu niun caminda lo conoce aumento di 18% di BBO, ningun caminda lo aumenta 12% di BBO pa gasolin, alcontrario tin un trend di rebaho di gasolin. Pero esaki ta hustamente un Mike Eman mentiroso cu durante henter campaña pa eleccion 2009 a priminti sagradamente cu – asina e drenta gobierno (from day one) – e lo percura pa elimina BBO.

Al final e no a elimina esaki, pero si a djodjo y cobra mas di 1 biyon florin na entradanan di BBO local y BBO di Valero durante su gobernacion di 2010-2017. Asina hende sa come y lubida!

Berdadnan sunu

Berdad ta cu Mike Eman a bin cu e medidanan di mas drastico pa pueblo unda a aumenta edad di pensioen, prima di AOV pero mas cruel ainda a individualisa e prima di AOV pa parehanan casa, cu tabata un medida hopi cruel.

Y riba esaki e no ta papia, unda cu parehanan casa a bay por lo menos 500 florin atras pa luna y awo cu ta dunanan algo bek, Mike Eman ta contra y ta mira e reduccion di loonbelasting como algo malo.

Echo ta durante henter e periodo di su gobernacion di 2010 pa 2017, Mike Eman nunca a percura pa sikiera 1 florin den reduccion di loonbelasting pa e clase trahador.

Aña 2019 positivo

Sigur aña 2019 ta bay habri pueblo cu speransa pasobra lo no conoce cambio den BBO y alcontrario ta trece alivio na mayoria di pueblo. Y sigur si pueblo a sigui di cerca pueblo por a wak con transparente nos Promer Minister Evelyn Wever Croes ta door di informa pueblo debidamente y sin haci nada den secrecia y esey ta muestra di grandesa. Esey ta grandesa!

- Advertisement -

DUNA COMENTARIO

Please enter your comment!
Please enter your name here