Home Social MotorWorld a inaugura su showroom nobo na Camacuri

MotorWorld a inaugura su showroom nobo na Camacuri

182
0
SHARE
- Advertisement -

ORANJESTAD (AAN): MotorWorld a haci e apertura oficial di su edificio nobo na Camacuri. E localidad nobo ta e prome negoshi na Aruba cu ta completamente solar, pues completamente “Off Grid.”

Esaki kiermeen cu e lo draai utilizando energia genera di nos dushi solo. Cu e pensamento pa un “Green Future,” MotorWorld a opta pa e tipo di energia aki pa yuda nos medio ambiente.

E localidad nobo lo brinda tur e servicionan cu Motorworld ta ofrece, i.e. nan departamentonan di benta, servicio y parts, bou un solo dak. Nan sucursal na San Nicolas lo ofrece mesun servicionan.

MotorWorld ta e unico car dealer cu dos localidad pa sirbi nan clientenan pariba y awo tambe pabou di brug. E anochi special aki a conta cu presencia di banconan local, compania di seguro y miembronan di prensa.

E grupo musical BMW a yena e anochi cu ambiente Carnavalesco. Motorworld lo bira e sponsor exclusivo di e Majestic Carnival Group den Carnaval 65.

MotorWorld, agente exclusivo di e marca Ingles MG, Great Wall/Haval, JAC y Haima, tin su raiz den benta di auto for di aña 1955, tempo cu famia Wong a cuminsa cu e negoshi “Central Garage” cu despues a bira “Wong’s Motor Company.”

Na aña 1962 a cuminsa cu “Autorama Motor Company” cu tabata e agente e tempo ey di e marcanan Volkswagen, Peugeot, Mercedes Benz y Subaru. Den añanan ’70 a bende e negoshi pa concentra riba otro mercado. Motor World a mira luz di dia ora na 2009 a cuminsa benta di e marcanan Great Wall y MG MotorWorld kier a gradici tur su clientanan pa nan apoyo cu awe por ofrece servicio na tur, pariba y pabou di brug.

- Advertisement -

DUNA COMENTARIO

Please enter your comment!
Please enter your name here