Home Parlamento Parlamentario kier sa si ta bay cobra ex-Prome Ministro Eman pa e...

Parlamentario kier sa si ta bay cobra ex-Prome Ministro Eman pa e gasto di fiesta riba brug

921
0
SHARE
- Advertisement -

ORANJESTAD (AAN): Diaranzon atardi durante Reunion di Parlamento, por a nota con dado momento Parlamentario Marisol Lopez-Tromp a haya su turno, y den su disertacion e.o. a mustra riba e formulario cu a bin ta circula e siman aki, relaciona cu cobranza pa servicio presta durante e “Fiesta di Cumpleaños” riba e brug di Green Corridor pa Prome Ministro di e tempo ey.

Parlamentario Lopez-Tromp a puntra, kico Ministro tin pensa di haci cu e cobranza grandi aki, di riba 141.000 Florin.

Marisol Lopez-Tromp a puntra, si acaso Gobierno tin pensa di bay pidi e Ex-Ministro mes bay paga e gasto aki.  Pasobra e tabata ‘su fiesta di cumpleaño’, y no ta husto pa pusha e gasto aki riba lomba di pueblo pagador di belasting.

E Parlamentario a corda tur hende, cu tin Ministronan cu a yega di sufri a consecuencia cu a haya nan mes ta paga pa dealnan cu nan a cera, cu ni tabata pa nan mes, y cu no tabata pa nan cumpleaños, pero tabata pa trahadornan e tempo ey.

Y awor e caso di e fiesta riba brug di Green Corridor?    Kico Gobienro ta opina riba algo cu parce no ta legal, no ta bon, y tog pueblo tin di bay paga pe.

Segun Marisol Lopez-Tromp, e ta kere ta mihor pa e ex-Premier saca e placa aki for di su mesun cartera, of lage sake di su partido.  Pasobra e fiesta aki a tuma lugar net durante campaña electoral na beneficio di Partido AVP.

E Parlamentario a puntra, si acaso Gobierno ta bay laga haci un investigacion na Centrale Accountants Dienst (CAD) pa check si acaso ex-Premier Mike Eman lo bay paga e suma aki bek.  “Pasobra ta inhusto cu pueblo ta bay paga pa esaki, siendo cu a caba di aproba placa pa social crisis plan.”

 

- Advertisement -

DUNA COMENTARIO

Please enter your comment!
Please enter your name here