Home General Presupuesto separa pa Plan di Crisis Social a wordo aproba unanimamente pa...

Presupuesto separa pa Plan di Crisis Social a wordo aproba unanimamente pa Parlamento

33
0
SHARE
- Advertisement -

Minister Presidente: prome logro historico:

ORANJESTAD (AAN) – Gobierno a yama un conferencia di prensa extraordinario, Diabierna mainta, den cual a hiba palabra Prome Minister Evelyn Wever-Croes, ken a elabora riba e reforma fiscal cu a keda aproba den Parlamento. El a referi na prome lugar na logronan historico di su Gabinete, na prome lugar e aprobacion di fondonan pa e Plan di Crisis Social di forma unanime den Parlamento.

E dignatario a cuminza expresando cu e ta sinti su mes hopi orguyoso pasobra gobierno a pasa den hopi momento historico.

Esaki a cuminza cu aprobacion di e Plan di Crisis Social y e presupuesto di e fondonan separa pa esaki. Asina Aruba ta mustra cu e aspecto social  ta importante pa nos pais y cu gobierno tin cu wordo atendi y soluciona mas pronto posible.

E parti historico ta cu pa añanan na Aruba tabata papia cu nos tin problema social, pero nunca tabata tin determinacion ni curashi pa pone e fondonan unda cu mester wordo poni.

Gobierno a pone 34 miyon florin na un fondo separa cual aworaki a wordo aproba unanimamente pa Parlamento. Esaki ta nifica cu Parlamento ta uni su mes completamente, na e lucha contra problemanan social y esaki ta un logro hopi grandi pa Aruba cu no ta importa kico ta e diferencianan ni color politico, pero cu pone e ser humano central, ta importante pa un y tur.

- Advertisement -

DUNA COMENTARIO

Please enter your comment!
Please enter your name here