Home Parlamento Raad van Advies a bay di acuerdo cu tres concepto di ley...

Raad van Advies a bay di acuerdo cu tres concepto di ley entrega pa fraccion di MEP

50
0
SHARE
- Advertisement -

Parlamentario Rocco Tjon ta splica:

ORANJESTAD (AAN) – Den conferencia di prensa di  MEP, Diaranzon mainta, e lider di fraccion sr. Rocco Tjon a duna un splicacion breve tocante e ley di iniciativa cu a wordo entrega e aña aki, door di fraccion di MEP di cual ya caba a haya conseho di Raad van Advies.

Ta trata aki di tres ley: 1. Ontwerp Landsverordening Identificatieplicht (Proyecto Ordenanza Nacional, Obligacion di identificacion) cu ta bay facilita tur esnan cu ta traha den husticia den e sentido cu nan ta bay haya e derecho pa, en general, pidi un hende pa identifica su mes, y adicionalmente e Ontwerp Landsverordening ta wordo  entrega pa 2. Loke ta trata reglamenta financiamento di partidonan politico, y 3. Reglamentacion di screening di ministernan.

Parlamentario Rocco Tjon a subraya cu esaki ta tres ley cu a wordo campaña cu nan, pasobra no solamente nan ta mehora e manera con husticia ta opera, pero tambe ta aporta na bon gobernacion y e aspecto di bon gobernacion.

E parlamentario a informa cu Raad van Advies ta di acuerdo cu e contenido di e ley, sinembargo tin cierto preguntanan cu ta wordo haci, unda tin diferente aspecto cu nan kier pa wordo motiva un poco mas amplio, y fraccion di MEP ta trahando riba esaki.

Na Januari 2019 e tres leynan aki lo wordo trata tambe den Parlamento pa asina nan por wordo aproba despues. Otro ley cu pueblo ta pidi pe, segun Parlamentario Tjon, y cu mester di atencion ta e Meld Code cu ta reglamenta diferente aspecto di abuso.

 

- Advertisement -

DUNA COMENTARIO

Please enter your comment!
Please enter your name here