Home Hudicial Seis aña di prison pa grupo cu 123 kilo di cocaina, 75...

Seis aña di prison pa grupo cu 123 kilo di cocaina, 75 kilo di marihuana y 2.2 kilo di heroina

174
0
SHARE
- Advertisement -

E capitan a haya 7 aña

ORANJESTAD (AAN): Diabierna mainta e grupo di Venezolanonan J.S.G., J.Q.M., O.G., O.E.G., a presenta dilanti Hues pa scucha nan sentencia. Hues no a haya nan culpable pa e balanan cayente pero si pa e lote grandi di cocaina, marihuana y heroina. Fiscal a exigi pa e capitan 8 aña y pa e otro tres 7 aña di prison, kitando e tempo cu nan ta sera. Hues ayera a condena e capitan na 7 aña y e otro tres na 6 aña di prison.

NO CULPABEL PA E BALANAN CAYENTE:

Manera DIARIO a publica, e grupo aki 7 April 2018 a wordo intercepta pa Guarda Costa na momento cu nan tabata navegando banda di West Punto. Miembronan di Guarda Costa a confisca 123 kilo cocaina, 75 kilo marihuana, 2,2 kilo heroina y 38 bala cayente.

Hues a bisa cu e no ta haya legalmente proba cu e grupo tabata sa di e balanan cayente. Hues a splica cu segun ley, si no por demostra cu e sospechosonan tabata sa di e cantidad di balanan, no por condena nan pa esaki. Tur a bisa cu nan no sa nada di balanan cayente. Hues a declara nan liber.

    CULPABEL PA LOKE GRANDI DI DROGA:

Hues a sigui bisa cu e si ta haya proba cu e grupo a importa un lote grandi di droga. Hues a mustra cu durante tratamento di e caso, tur a admiti esey. Nan a bin Aruba den boto pa trece e droga.

    CASTIGO:

Pa cu e castigo, Hues a tene cuenta cu ta un caso hopi serio. Ta un cantidad hopi grandi di droga a keda confisca cu ta destina pa negoshi. Hues a mustra cu negoshi di droga ta fomenta criminalidad y problema den famianan.

Tambe el a mustra cu traficacion di droga ta duna Aruba mal nomber. Hues a sigui bisa cu e ta tene tambe na cuenta cu nunca e grupo aki a wordo condena pa algo similar. Tambe a tene cuenta cu nan circumstancianan na Venezuela.

Hues a mustra cu e ta tene cuenta cu e capitan J.S.G. a pidi e otronan pa yuda. J.S.G. a wordo condena na 7 aña di prison. J.Q.M., O.G., O.E.G. a wordo condena na 6 aña di prison. En total 25 aña di prison a keda parti den e grupo aki.

Hues a ordena cu e droganan lo wordo destrui, e jerry cans cu gasoline lo keda confisca, GPS tambe.

 

- Advertisement -

DUNA COMENTARIO

Please enter your comment!
Please enter your name here