Home Cultura SMAC y Stichting Musica contento y orguyoso di a firma acuerdo cu...

SMAC y Stichting Musica contento y orguyoso di a firma acuerdo cu ATA pa Carnaval 65

122
0
SHARE
- Advertisement -

ORANJESTAD (AAN)— Shannon Henriquez, presidente di Stichting Maneho Aruba su Carnaval (SMAC), den conferencia di prensa Dialuna mainta, a expresa cu SMAC ta hopi contento y orguyoso di por a firma e acuerdo cu ATA tocante e sponsorship na Carnaval 65.

Sra. Henriquez a menciona cu Oficina di Turismo tur aña a sa di deposita su confianza den e Stichting, y esey tambe ta e caso pa Carnaval 65.

El a reitera locual sra. Tjin-Asjoe a indica, cu ATA ta un di e sponsornan principal di Aruba su carnaval, y a menciona cu tin hopi spectativa pa Carnaval 65 y SMAC ta trahando dia y anochi, tras di cortina, pa asina carnaval sali riba bon pia.

El a gradici e directora di ATA pa su confianza cu SMAC y a señala cu como Stichting nan tin cu entrega nan cuenta anual, y a base di esey ATA por wak con nan zorg pa e placa bay, tanto den premiacion principal di tumba como na tur otro evento, y na unda e placa ta wordo inverti den Aruba su carnaval. Tambe e hoben a gradici prensa pa tur e sosten cu e sa di duna SMAC como estimulo pa e fundacion sa di trece un bunita carnaval cu ta parti di Aruba su cultura.

Di parti di Stichting Musica, su presidente sra. Edwina Henriquez, den nomber di su directiva y tur e participantenan, a expresa palabranan di danki na ATA, pa un aña mas forma parti di e contribucion di e festival cultural di mas grandi cu ta wordo teni na Aruba.

Sra. Henriquez a menciona cu Stichting Musica, for di Maart caba por a conta cu ciere di su rapport financiero cu ta wordo ehecuta pa un conocido compania accounting, y esaki ta wordo poni riba mesa pa tur e partner y sponsornan, pa asina nan por mira tur e gastonan envolvi y comparti ideanan pa e siguiente aña.

Nan ta sinta tur aña cu e organizacionnan aki pa nan ta na haltura kico ta e cambionan cu ta bay tuma lugar. Aruba Caiso y Soca Monarch 2019 ta bay conta cu algun cambio. Cada aña nan kier duna e bishitantenan y participantenan e mihor presentacion pa asina por sigui crece mas cada aña den e produccion di e festival aki.

Musica a tuma hopi na serio e aña aki e parti di turismo y den e rosea aki nan a sinta cu ATA y cu Minister di Turismo pa e Stichting mira crecemento den e festival. Nan ta percura pa e turista mira un festival di calidad hopi halto cu musica Caribense cu ta wordo toca tambe den otro paisnan, y nan tin un plan di mercadeo cu nan a presenta na ATA y na e Minister, pa trece e turistanan aki na Carnival Village y e pasa un anochi inolvidable y sinti su mes mezcla den un grupo di cancion cu nos paradanan di carnaval ta hiba cu su musica contagioso cu ta motiva e participantenan pa sigui engrandece cada aña Aruba su Carnaval.

- Advertisement -

DUNA COMENTARIO

Please enter your comment!
Please enter your name here