Home Social Step by Step a presenta nan show anual di Pasco

Step by Step a presenta nan show anual di Pasco

89
0
SHARE
- Advertisement -

ORANJESTAD (AAN): Recientemente Step by Step a presenta nan show anual di Pasco den Cas di Cultura. Cu un sala yen di mayornan, studiantenan cu no tabata den e show e biaha aki, pero nan a bin apoya nan amiganan y publico en general cu tin aña ta bin apoya e muchanan.

Tabata un show cu estilo di baile hopi varia, entre otro ballet clasico, jazz, modern, tap y streetdance. Tur cu un toke di Pasco. Masha bunita costumes. Algun di e costumes tabata di alumno cu a bai studia afo, y nan a duna nan costumes na Step by Step pa nan por sigui usa nan.

E show di Pasco casi no tin gasto pa e alumnonan, door cu tur aña Step by Step ta presenta 2 show anual, y asina e alumnonan tin e posibilidad pa participa. Mayoria biaha e costumes ta wordo cambia un tiki, pero door cu nan ta den bon condicion na por wordo usa.  Pa prome biaha e decoracion tabata den man di Andre Geerman cu a haci un tremendo trabou. Normalmente Step by Step tabata haci e decoracion.

Dos aña pasa a celebra 25 aniversario di Step by Step y aña pasa nan a celebra 50 aña di Sonja Geevers den baile y dunando les.

Step by Step ta desea tur alumnonan y mayornan, amigonan y Aruba en general un Bon pasco y tur e miho deseonan pa e aña nobo.

- Advertisement -

DUNA COMENTARIO

Please enter your comment!
Please enter your name here