Home Salud Ta importante pa durante temporada di fiesta haci escogencianan saludable di cuminda...

Ta importante pa durante temporada di fiesta haci escogencianan saludable di cuminda y bebida

77
0
SHARE
- Advertisement -

Iraida Thijsen, nutricionista:

ORANJESTAD (AAN):  Iraida Thijsen, nutricionista y dietista, hoofd di e afdeling Salud na Ibisa a expresa cu awor cu a drenta den e temporada di fiesta y cu hopi hende ta come mas afo como tambe bayendo mas di bishita na casnan di amigo, famia y diferente fiesta ta importante pa nos bay den excesonan.

E ta keda enfatiza pa keda haci actividad fisico tambe no solamente pa e kimamento di caloria pero tambe pa salud mental. Esaki ta dianan basta druk y meymey di tur cos mester keda trankil, cana cu e famia, haci algun actividad, etc, Thijsen a indica.

Ora di bay kerstdiner si esaki ta estilo bufet ta ideal pasobra bo mes por dicidi cuanto cuminda bo ta pone ariba bo tayo. Tin hopi opcion, pero ta bon pa pone atencion riba e porcion cu bo ta bay pone den bo tayo.

Por cuminza cu un sopi “clear”, no algo “creamy” of berdura pa despues bay na e bufet mes. Purba parti bo tayo den un forma sabi. Un tercera parti di berdura of mitad, un quart di aroz, batata of pasta y tambe un quart di galiña, carni of pisca. Bay poco poco cu e saus pasobra hopi biaha e saus tin e vet, e experto a señala.

Disfruta e cuminda, kauw poco poco. Pero no abusa.

Ora di bay restaurant y bo ta come “A la carte” purba scoge cuminda horna, pero no cosnan “deep fried” ya cu esaki ta absorba hopi vet y esey por causa tambe hopi molester ora di bay drumi. Hopi zuur ta bin ariba cu consecuencia cu bo por haya kimamento di stoma. Ademas e ta contene hopi caloria, Iraida Thijsen a menciona.

El a agrega cu si bo a come un dinner hopi grandi e anochi anterior pa su mañan bo por come algo light. Si bo sa cu anochi bo tin un dinner, come algo light pa lunch. Cada tres ora un fruta of un yogurt pa ora cu bo bay come afo, bo no tin asina hopi hamber cu bo stoma ta yena cu gas y bo no por come bon tampoco.

Ta hopi importante pa keda come cu regularidad.

Ora cu bo ta na cas bo kier prepara snacks pa e bishitanan mester tene cuenta cu snacks ta keda snacks. Un ayaca completo no ta un snack. Un ayaca ta un cuminda. Si bo pone un salada banda di dje ta un cuminda completo.

Si bo kier ofrece un snack, un ayaca chikito of mitad di e ayaca of hasta un quart, esey ta un snack, Thijsen a indica.

Por traha otro sorto di snacks manera pisca tempera of imitacion di crab tempera. Por traha tuna, salada di tuna cu mayonesa light. Por switch nan y haci nan un tiki mas saludable.

Por traha pasapalonan cu fruta of berdura.

Tambe tin e asunto di consumo di alcohol. Tin tres luna unda comunidad ta bay ta confronta cu consumo di alcohol. Ta papiando akinan for di awor te na final di carnaval 65.

Ademas di causa hopi daño den trafico y problema, alcohol tin hopi caloria. Si ademas bo ta combine cu soft drinks, cu ponche crema etc, bo ta agregando extra caloria.

Bo por haci escogencianan saludabel pa por mengua e cantidad di caloria, e experto a finaliza bisando.

- Advertisement -

DUNA COMENTARIO

Please enter your comment!
Please enter your name here