Home General Tur bestia cu wordo mata na abattoir ta haya stempel di “goedkeuring”

Tur bestia cu wordo mata na abattoir ta haya stempel di “goedkeuring”

43
0
SHARE
- Advertisement -

Mata bestia na cas ta ilegal

ORANJESTAD (AAN):  Rodney Bareño, keurmeester na Abattoir a indica den entrevista cu keurmento pa loke ta matamento di bestia ta importante.

Aruba ta un isla y ta rondona door di lama. Pero semper por tin malesanan cu por bin di afo. Actualmente na Aruba no tin ningun malesa di bestia, pero toch semper un cabrito of porco, por come algo cu por dune un infeccion paden.

Ta importante cu prome cu e matansa si e bestia ta salud y durante e proceso di matansa, por mira si e cambio ta bon pa consumo. E por ta un malesa cu por haci e bestia malo, pero tin malesanan eyfo, cu por afecta un hende tambe.

E ta importante pa e bestia wordo mata na abattoir, pa controla pa wak si e carni ta saludabel pa come.

E bestia ta pone un stempel special. Segun Rodney Bareño, ta keda un tradicion pa trece un bestia pa mata na abattoir. Pero tin hende ta pensa cu mat’e na cas ta mas facil. Pero esaki ta ilegal. Tur bestia cu wordo mata na abattoir ta haya su stempel di goedkeuring.

Esey ta nifica cu e bestia a cana su proceso di inspeccion. Tambe e doño di e bestia ta haya un comprobante cu el a wordo mata eynan.

Si e bestia no tin seyo, ta nifica cu el a wordo mata bao di palo y e riesgo por ta grandi. 

Bestianan no saludabel

Bestia ta keda un animal cu no por bisabo cu e ta malo. Ta hende tin cu wak si e ta malo. Tin ora ta haya bestianan cu ta wordo afgekeurd. Sea cu nan tin un infeccion paden, of tin un pia kibra cu por a haya un afgekeurd.Tin parti di e carninan cu no por come, e ta wordo afgekeurd, of full e bestia ta wordo afgekeurd.

Hopi biaha ta mustra e doño tambe riba esaki. Nan tin comprension pa esey.

E bestia ta wordo confisca una bes cu e ta afgekeurd. Nan ta tir’e den baki di dump y ta wordo distrui. Hopi biaha ta tira likido biña riba dje y no por come mas.

Bareño ta calcula cu riba awe diaranson so a mata 100 bestia. A cuminsa pa 1’or di marduga cu e matamento, si no ta mas prome. Tin ora ta cuminsa tempran pa evita e drukte di merdia. Pa un bestia tambe pa 12’or di merdia, no ta bon p’e pa tey den un haula calor. Hopi di e criadornan ta prefera pe trece nan marduga, pasobra ta mas fresco, ta miho pa e bestia y e pa e matadornan e ta mas suave tambe, compara cu 12’or di merdia, den un calor inmenso.

Pa loke ta ekipo, e ta bayendo bon. Ora ta hopi druk, ta pidi pa tin un cita, djis pa den un dia no haya nan mes cu 300 bestia. Ta purba di verplaats’e un manera cu ta kibre durante dia.

E ekipo ta bay. E no ta e miho cu nan tin, pero toch nan ta lora cu loke nan tin. E ta bayendo bon segun keurmeester Rodney Bareño.

 

- Advertisement -

DUNA COMENTARIO

Please enter your comment!
Please enter your name here