Home Deporte Záhyon Klabér kende a sali atleta di aña 2018 di Brazil Taekwondo...

Záhyon Klabér kende a sali atleta di aña 2018 di Brazil Taekwondo Stichting  

67
0
SHARE
- Advertisement -

ORANJESTAD (AAN) – Diamars ultimo Brazil Taekwondo Stichting a tene nan cena di Pasco. Tabata presente tambe Minister Chris Romero kende a haci entrega di premio na Zahyon Klaber, cu a keda eligi e atleta di aña 2018 di Brazil Taekwondo Stichting.

E team di “Train Hard Fight Smart” tabata super contento cu Minister Chris Romero kende a tuma parti di su tempo pa asisti na e Cena di Pasco di e team di “Train Hard Fight Smart” den Centro di Bario Brazil.

For di momento cu Minister Chris Romero a drenta Centro di Bario Brazil, Alberto Klabér a bise cu e tin un sorpresa pa su persona. Minister Chris Romero a hiba bunita palabra di elogio na e team pa tur nan logronan cu nan ta logrando internacionalmente.

Minister Chris Romero a felicita prensa presente pa nan apoyo y pa nan trabou cu nan ta haciendo. Alberto Klabér a presenta Minister Chris Romero e team di Cadet cu ta preparando pa e di 8 TK5 na Surinam. Aruba tin 7 aña consecutivo ta gana e copa na Surinam. Minister Chris Romero tabata hopi contento di por a topa cu e team di cerca y a saca potret hunto cu e team.

Despues di e slide show di Brazil Taekwondo Stichting traha door di Ivan Jansen di Noord Taekwondo Center, Alberto Klabér a yama Minister Chris Romero pa dilanti y Willy Willems a splica mas di e metanan di Brazil Taekwondo Stichting y a entrege e potret cu a wordo saca e anochi ey mes hunto cu e team door di Alberto Klabér.

Minister Chris Romero a keda masha sorprendi di con lihe esaki a wordo haci. Willy Willems a bise cu Brazil Taekwondo Stichting kier a entrege e sorpresa unico aki pa su sosten y su presencia na e Cena di Pasco di Brazil Taekwondo Stichting, pasobra esaki ta prome biaha cu un Minister a celebra Cena di Pasco hunto cu Brazil Taekwondo Stichting.

Na final di e anochi a laga Minister Chris Romero haci entrega di un premio na Záhyon Klabér kende a sali atleta di aña 2018.

 

- Advertisement -

DUNA COMENTARIO

Please enter your comment!
Please enter your name here