Home Gobierno  A mustra con Gobierno ta trahando duro pa combati para firme y...

 A mustra con Gobierno ta trahando duro pa combati para firme y combati corupcion

64
0
SHARE
- Advertisement -

Prome Minister durante simposio di Bon Gobernacion

ORANJESTAD (AAN)—Den conferencia di prensa, Minister Presidente mr. Evelyn Wever-Croes, a referi na e Simposio di Bon Gobernacion, cu a wordo organiza pa e “Stichting Duidelijk Bestuur Aruba” y Universidad di Aruba.

E mandatario a menciona cu el a wordo invita pa hiba palabra den e simposio aki y expone kico ta e vision di gobierno di Aruba tocante integridad y bon gobernacion.

El a indica cu tambe a hiba palabra e Presidente di Banco Central, e Procurador General como tambe e lidernan di e fraccionnan mas grandi den Parlamento.

E dama a comenta cu solamente e lider di MEP so a acepta. Esun di AVP no.

E mandatario a Felicita e fundacion y Universidad pa un Simposio asina exitoso, cual tabata hopi bon concuri. El a splica kico ta e vision di gobierno y kico tur nan a haci caba, unda for di inicio a instituto e Bureau Integriteit, cual pa final di April mester ta den funcion. Durante e siguiente dianan gobierno lo busca e personanan cu lo bay traha den e Bureau aki, cual lo no ta un oficina grandi, mas bin uno relativamente chikito cu un director mas algun persona y e preferencia pa solicita ta bay keda na esnan cu ta ambtenaar caba.

Pa director si ta bay bira un solicitud habri, pasobra pa e cargo aki si por a haya un espacio den e presupuesto.

A elabora tambe tocante e camara di integridad cu Gobierno ta trahando riba dje, pendiente di algun ley cu tin cu pasa den Parlamento, y cu na mitad di aña aki mester ta in place.

E dignatario a indica cu un bez cu e Leynan di Destaho Publico,  Financiamento di partidonan politico, y e Ley di screening di minister y parlamentarionan ta in place, lo por cuminza cu e Integriteit Kamer cu ta esun cu ta bay scrutina decisionnan di gobierno, mas tanto den caso di destaho publico.

E di tres tema cu e dignatario a trece dilanti ta trata e companianan estatal, y el a splica cu ta hopi importante cu gobierno a bin cu un codigo di uniformidad pa tur compania estatal y nan ta trahando riba esaki.

Tambe, el a indica cu ta bay bin un plafond pa e salario di e directornan di companianan estatal, pasobra e no ta “sky is the limit mas” y a bin cu un norma asina, teniendo cuenta cu e mesun principionan di un destaho publico cu tambe tin cu tuma lugar den un compania estatal.

Na final di dia, e dignatario a subraya, ta cu Aruba ratifica e tratado contra corupcion cu ainda no a tuma lugar pasobra tabata falta tur loke el a menciona, y gobierno ta trahando hopi lihe riba dje, pa percura cu Aruba por ratifica e tratado aki mas pronto posible.

Minister Presidente a subraya cu e tabata un hopi bon simposio, specialmente e dianan aki cu hopi atencion ta wordo poni na e caso den Corte di ex-Minister di labor, y cu a tende cuanto corupcion tabata tin na orden di dia. E dignatario a expresa cu e ta contento cu tin hopi interes pa hunto para firme y combati corupcion.

 

 

 

- Advertisement -

DUNA COMENTARIO

Please enter your comment!
Please enter your name here