Home Hudicial Abogadonan:  Minister Publico a condena Paul Croes den prensa promer cu a...

Abogadonan:  Minister Publico a condena Paul Croes den prensa promer cu a cuminsa cu e investigacionnan

555
0
SHARE
- Advertisement -

ORANJESTAD (AAN): Diaranzon  mainta Paul Croes y Melony Croes Paesch a presenta den Corte acompaña pa nan abogadonan mr. Vaders y mr. Illes, pa hiba defensa contra e exigencia di e dos Fiscalnan.

Manera DIARIO a publica, Fiscal a exigi 5 aña di prison pa Paul Croes y 10 aña cu e no por postula su mes como candidato pa eleccion. Pa Melony Croes Paesch, Fiscal a exigi 240 ora di trabao pa comunidad y 6 luna di prison condicional cu un tempo di prueba di 3 aña.

E abogadonan a bay hopi amplio riba tur e acusacionnan cu e dos Fiscalnan a presenta.

Den e articulo aki, DIARIO ta publica un seccion di e defensa cu ta riba e forma con Ministerio Publico a atende e caso y na opinion di e abogadonan, Ministerio Publico a condena Paul Croes den prensa promer cu a cuminsa cu e investigacionnan.

    FISHING EXPEDITION:

Abogado mr. Vaders a presenta algun Power points cu ta forma parti di nan defensa. El a cuminsa bisa cu dia 28 Maart 2017, Fiscal a haci investigacion na cas di Paul y Melony y a confisca cosnan pero Paul no a worde deteni. Na mesun momento 13 otro lugar a haci investigacion.

Ministerio Publico a tene conferencia di prensa caminda Procurador General (PG)a bisa cu ta sospecha Paul Croes di cobra of haya cosnan pa regla permisonan, tambe cu ta sospecha Paul Croes di abuso di poder y tuma persona ilegal den servicio. PG tambe a bisa cu ta sospecha Paul Croes di labamento di placa hunto cu otronan.

Mr. Vaders a mustra cu PG den e conferencia di prensa a expresa cu lo bay investiga loke a confisca na tur e lugarnan pa mira si tin prueba. E abogado a bisa Hues cu e ta haya esaki un fishing expedition di parti di Ministerio Publico.

   STRATEGIA INHUSTO DI FISCAL:

E abogado a bisa Hues cu despues di dia 28 di Maart 2017, a sigui un periodo di duda pa Paul Croes pasobra Ministerio Publico no a duna claridad y henter comunidad a pinta Paul Croes como sospechoso. Rumornan tabata circula y Paul Croes no por a splica kico tabata pasando.

Despues otronan a worde deteni y e tension a sigui subi y Paul tabata teme cu e tambe lo worde deteni. E abogado ta haya cu esaki tabata un strategia cu Fiscal a usa. Dia 15 Augustus 2017 e abogado a manda mail pa Fiscal informando cu Paul ta dispuesto pa bay warda di Polis si mester di dje. E kier a haci esaki pa evita cu su yiunan y su señora lo mira cu e lo worde deteni. No a haya reaccion y parce cu Ministerio Publico no a haya e mail aki. Dia 21 Augustus 2017 a bolbe haci otro investigacion na cas di Paul y a detene.

Na opinion di mr. Vaders, e ta haya cu tabatin un sistema inhusto. Cada vez tabatin problema pa haya informaccionnan. Promer Fiscal tabata papia di 26 caso. Despues Fiscal ta papia di 23 caso. Den e trayecto promer a usa declaracion di Paskel y otro como testigo pero despues ora a pidi pa scucha nan Fiscal ta laga sa cu nan no ta relevante.

E abogado a cuestiona e forma con Paul a worde trata, caminda a limita abogado pa papia cun’e. Pesey Paul ta desconfia den husticia. E abogado a bisa Hues cu desde 28 Maart 2017, Ministerio Publico den conferencia bisa cu investigacion IBIS ta dirigi contra Paul Croes. Mr. Vaders ta haya cu ya Ministerio Publico a condena Paul Croes.

 

- Advertisement -

DUNA COMENTARIO

Please enter your comment!
Please enter your name here