Home Suceso Accident dramatico na rotonde di Sero Blanco a hala atencion di tur...

Accident dramatico na rotonde di Sero Blanco a hala atencion di tur hende

1323
0
SHARE
- Advertisement -

ORANJESTAD (AAN): Tabata Diasabra mainta algo prome cu 11:00 am, cu un incidente a socede na altura di Citgo Sero Blanco, y rotonde di Sero Blanco.

Un anciano tras di stuur di un auto sedan color shinishi, a bisa cu e throttle di su vehiculo a keda pega, y pesey el a perde control riba su stuur, y a baha for di e plataforma di Citgo Sero Blanco, cay abao casi na e final di Verlengde De La Sallestraat, y finaliza casi banda di e oficina di Notario cu tin riba Caya Ing. Roland Lacle.

E chauffeur no a haya ningun golpi ni sla, pero e vehiculo si a sufri di basta daño.

Pa puro casualidad, e chauffeur di un Van cu tabata yegando na e cruzada ey, a scapa di chiripa!  Den su windshield e tin un “Dashcam” instala, esta un videocamera cu ta graba constant tur cos cu ta pasa su dilanti.  Un camera asina ta hopi util si acaso abo como chauffeur hayabo envolvi den un accident, y e ora bo por splica Polis y Aseguro mihor con tur cos a pasa.

E video di e accident aki den oranan di merdia a bay riba Social Media, y hendenan por a mira con peligroso e situacion tabata e momento ey, si acaso tabatin sea peaton, of si acaso tabatin auto para ta wardando turno pa subi rotonde.

Den oranan di atardi, un video a cuminza circula unda ta scucha e chauffeur declara cu e tabata na un Pomp di Gasolin na Citgo Sero Blanco, y e lo a rabia pasobra nan a tarda pa atende.  Pesey el a primi trot, y e vehiculo a sali rapidamente y a bay sali cay for di e plataforma.

Diadomingo, gerencia di Citgo Sero Blanco a haci un declaracion na e portal Noticiacla y bisa cu ningun momento e chauffeur di e auto shinishi a tarda pa haya servicio.  Es mas, nan tin security video unda bo ta mira cu e chauffeur a djis caba di yega, y apenas algun seconde despues a primi trot, y bira na man robez, y sali cay for di plataforma.  E compania ta desmenti cu a tarda pa atende e cliente.  E compania a bisa cu por poco e auto a dal un peaton tambe.

 

- Advertisement -

DUNA COMENTARIO

Please enter your comment!
Please enter your name here