Home General Accion di Protesta di grupo di venezolano den area di hotelnan lo...

Accion di Protesta di grupo di venezolano den area di hotelnan lo afecta turismo

122
0
SHARE
- Advertisement -

Linda Orman, representante di e taxistanan:

ORANJESTAD (AAN):  Taxistanan ta preocupa pasobra un grupo di venezolanonan kier tene un manifestacion net den e area di e high-rise hotels.

Riba esaki Linda Orman, e organizacion di taxista a expresa cu nan mag di protesta, pero nan preocupacion ta riba e echo cu nan lugar pa protesta ta Paseo Herencia, cu ta ubica den area unda nan ta transporta turistanan.

Esaki sigur lo pega e trafico basta y awor ta pone cu ta bay tin asuntonan politico envolvi. Si tabata algo cultural e ta aceptabel, pero “esaki ta un manifestacion politico cu no ta di aki”, a enfatiza.

Orman no ta haya cu ta na su lugar pa tene un manifestacion manera esaki den cara di turista y awor si surgi un confrontacion entre esnan cu ta pro y esnan cu ta contra Maduro?

Sigur esaki no lo ta algo bon pa turismo y ta bay spanta hende sin cu tin mester. Ya caba tin hopi caminda cera locual ta algo fastioso pa e taxistanan. Awor esaki cu ta un area pa dinner y pa recreacion di e turistanan ta bay wordo blokia.

Pa Linda Orman, e location pa tene e manifestacion aki no ta pass. Pa esaki tin Plaza Bolivar, nan por bay den un veld, etc, pero den un area turistico esaki no ta aceptabel.

Ta bay tin aglomeracion di hende y tur esaki ta bay trece varios factornan cune manera e aspecto di seguridad. Si algo pasa, con polisnan ta bay yega si e trafico ta pega?, e representante di e taxistanan a indica.

Orman a agrega cu autoridadnan mester tene cuenta cu esaki. No ta bay ta un bunita bista pa e turistanan y ta algo cu no tin di haber cu e arubianonan. “E protesta ta pa locual ta sosodiendo na Venezuela esey no tin di haber cu nos”, el a manifesta.

 

 

 

- Advertisement -

DUNA COMENTARIO

Please enter your comment!
Please enter your name here