Home Hudicial Ami tabata cumpli cu orden di Paul Croes pa busca cosnan pero...

Ami tabata cumpli cu orden di Paul Croes pa busca cosnan pero ami no ta complice di nada

418
0
SHARE
- Advertisement -

Aparicio den Corte a bisa Hues

ORANJESTAD  (AAN) – Ayera mainta a sigui cu tratamento di e caso IBIS. Parti mainta tabatin un cantidad di sospechoso y merdia tambe. Esnan cu a presenta mainta tabata Roque Aparicio, e dama Chunyan Liang, Fernando Latoracca, Juan Vasquez Lopez, Tat Yan Cheng.

E homber Robert Dalmeijer no a presenta. Su abogado mr. Kock si tabata presente y a informa Hues cu su cliente ta den exterior y lo yega e siman aki y diabierna lo ta presente pa scucha e exigencia di Fiscal. Den sala di Corte tabata presente Paul Croes kende a haya oportunidad di reacciona riba declaracion di e sospechosonan.

ACUSACIONNAN

E acusacionnan cu Fiscal a presenta contra Aparicio ta:

–  complice malversacion di Stichting Leadership and Excelence,

–  forma parti di un organisacion criminal,

–  complice di corupcion

APARICIO TA DESMENTI DI TA ENVOLVI

Hues a bisa cu Aparicio tabata chofer y bode di Paul Croes. Hues a puntra kico e ta pensa di e acusacionnan. Segun Aparacio e no tin nada di haci cu e acusacionnan di corupcion, malversacion y organisacion criminal. Hues bisa cu Fiscal ta sospecha Paul lo a haya placa pa duna Paul Croes pa dispesacion di permiso y tambe duna cosnan. Hues a remarca cu no ta asina cu Aparicio no tin nada di haci cu esaki. El a bisa cu Aparicio tabata busca cosnan pa Paul. Segun Aparicio e tabata haci’e riba orden di Paul pero no tabata sa cu esaki tabata pa dispensacion pa permiso.

El a bisa cu cada vez cu Paul mand’e haci cosnan tabata relaciona cu actividadnan di partido. Hues a menciona cu Aparicio a bay supermarket caminda a bay busca cahanan di cerbez sin cu mester a paga. Hues a puntra si Aparicio no ta haya esaki straño. Aparicio a bisa cu e tabata haci loke Paul bis’e y e tabata kere cu Paul lo paga. El a bisa cu mayoria di politiconan ta haya sponser y esaki ta normal.

Hues a mustra cu di banda di Ministerio Publico esaki no ta ok. Hues a bisa cu e ta haya cu Aparicio tabata sa kico tabata pasando. Tin combersacionnan entre otro di Aparicio cu e Chines Siem Mong. Hues a mustra cu e yiu di Siem Mong a expresa cu su tata a wordo ruina.

Aparicio a bisa Hues cu Paul tabata haci jokenan. Hues a bisa cu for di e combersacionnan por conclui cu Aparicio tabata sa. Hues a bisa cu Siem Mong mes a bisa cu nan tabata probecha di dje caminda e mester duna cosnan. Aparicio a bisa cu e tabata cumpli cu loke Paul a bis’e. Hues a remarca cu si Paul mand’e pa horta un banco si ta bay haci’e. El a bisa cu no.

PIDI PLACA

Hues a puntra Aparicio si no a bay serca e dama Chines Liang pa busca placa y cerbez. Aparicio a nenga. Hues a bisa cu Aparicio a pidi 1000 dollar. Segun Aparicio, el a pidi Liang pa cambia mil dollar. Segun Hues esey no tabata asina. El a puntra Liang si ta asina. Liang a bisa cu Aparicio a pidi’e mil dollar pa Aparicio bay cu vacacion. Hues a puntra si no ta asina cu Liang a pidi dispensacion di permiso. Segun Liang el a haci pero Aparicio tabata cu vacacion. Segun Liang e no mester a paga. Hues a puntra pakico a financia vacacion di Aparicio. El a bisa cu e conoce Aparicio hopi tempo y nan ta amigo. Segun Liang, Aparicio a yud’e cu asunto di coriente y pesey a dun’e e placa. Aparicio a bisa Hues cu e conoce Liang hopi tempo y a pidi pa cambia mil dollar. Hues a bisa cu esaki a crea e sospecho cu Aparicio ta envolvi den e corupcion di Paul Croes.

MALVERSACION

Hues a bay riba malversacion di e Stichting Leadership and Excelence, caminda Aparicio lo tabata malversa placa. E tabata haya placa for di Capriles y hiba esaki pa Paul cu ta usa riba su credit card. Aparicio a admiti cu Paul tabata instrui Capriles traha cheque pa deposita riba credit card di Paul. Aparicio a bisa cu nunca el a pensa cu esaki ta algo malo. Aparicio a bisa Hues cu e ta kere cu e Stichting ta di Paul y no a pensa cu algo malo lo tabata tuma lugar. Hues a remarca cu segun Fiscal e placa ta pertenece na e Stichting y no pa Paul pone riba su credit card.

Fiscal a confronta Aparicio cu un combersacion di 23 December 2016 cu Paul. Ta relaciona cu deposita placa riba cuenta di Paul. Aparicio a bisa Paul, mi a deposita siman pasa mas cu 9 mil florin. Paul a bisa cu esey no ta corecto. El a bisa cu pa e holoshi Cartier el a paga 1500 dollar y no a gasta tur e placa. Fiscal a sigui bisa cu Aparicio a bisa cu segun e, el a deposita 100 mil dollar caba.

Paul a contesta y lo bay bin mucho mas. Aparicio a bisa Hues cu esey tabata joke. E no ta corda mucho bon. Fiscal a mustra cu Aparicio a wordo confronta cu combersacionnan y Aparicio ta bisa cu ta joke. Tambe tin combersacion cu Dianna cu mester a busca botter di champaña serca Siem Mong. Aparicio lo a bisa Dianna cu Paul ta abusa di e Chines y tin’e tur kibra. Aparicio a bisa den Corte na Hues cu asina ta su manera di papia.

PAUL CROES TA REACCIONA

Paul a haya oportunidad di reacciona. El a bisa cu Fiscal ta mal interpreta total e combersacionnan cu lo ta kibra un Chines. El a bisa Hues cu e tin un relacion for di hopi tempo cu e Chines. El a admiti cu Aparicio tabata cumpli cu loke e mand’e haci y e cosnan tabata sponser pa actividadnan politico.

 

- Advertisement -

DUNA COMENTARIO

Please enter your comment!
Please enter your name here