Home Social Angela Maria Perozo a gana e Lincoln MKC di Renaissance Mall!

Angela Maria Perozo a gana e Lincoln MKC di Renaissance Mall!

910
0
SHARE
— Ganadora di e Lincoln MKC 2018, sra. Angela Maria Perozo hunto cu su famia.
- Advertisement -

ORANJESTAD (AAN): Diabierna atardi tur 15 ganador di e campaña di fin di aña di Renaissance Mall y Wind Creek Crystal & Seaport Casino a presenta na Renaissance Mall.

Un di nan tabata tin e suerte di ‘UNWRAP’ e caha di regalo cu e yabi pa start e Lincoln MKC 2018. Tur hende cu a haci nan comprasnan di fin di aña na Renaissance Mall tabata tin e oportunidad unico di gana e auto, ora cu nan cumpra $50 of mas.

Esunnan cu a purba nan suerte den Wind Creek Crystal & Seaport Casino tambe por a participa cu cada 50 punto acumula. For di un tombola inmenso cu mas di 49,000 coupon a saca 15 ganador.

Durante di un evento specialmente pa e 15 ganadornan, un di e ganadornan a scoge e  ‘caha di regalo’ cu e yabi di e auto, adicional otro 14 premio mas entre nan un Travel Voucher na balor di $3,000. Un suspenso inmenso, ora cu cada participante a scoge e ‘caha di regalo’ cu nan suerte. Despues di un rato, cada un mester a habri e ‘caha di regalo’ y mira e contenido. Entre grito y alegria señora Angela Maria Perozo a tuma nota di e yabi di e bunita Lincoln MKC 2018. Señora Perozo a purba su suerte na Wind Creek Crystal & Seaport Casino, acumula su puntonan y deposita su coupon. Awe, e ta ‘core drenta’ 2019 cu su auto nobis nobis! Otro premio cu tambe tabata impactante tabata esun cu Leomar Hazel a gana, cumprando un polo-shirt na Nautica den Renaissance Mall- un Travel Voucher na balor di $3,000! Renaissance Mall y Wind Creek Crystal & Seaport Casino ta felicita tur 15 ganador di e campaña di fin di aña!

Aki por mira momento di saca e couponnan ganador, y tambe señora Jody-Lynn Desbarida, marketing executive di Renaissance Mall & Marketplace, señora Shadira Fingal marketing executive di Wind Creek Crystal & Seaport Casino ta hunto cu e ganadornan di e campaña.  Masha Pabien!

- Advertisement -

DUNA COMENTARIO

Please enter your comment!
Please enter your name here