Home Deporte Arubaanse Zwembond cu weekend exitoso di competencia ‘Dia di Betico’

Arubaanse Zwembond cu weekend exitoso di competencia ‘Dia di Betico’

37
0
SHARE
- Advertisement -

ORANJESTAD (AAN)-  Despues di a clausura aña 2018 hopi activo, Arubaanse Zwembond (AZB) ta cuminsa aña 2019 cu un fin di siman exitoso di competencia, ‘Dia di Betico’. E fin di siman cu a pasa AZB a organisa su prome weekend di competencia pa 2019 y conta cu un total di 91 participante. 

E fin di siman a cuminsa cu e competencia di landamento competitivo ‘Competencia Dia di Betico’, unda a competi den distancia nan di 50 y 100 meter na pisina olympico Roly Bisslik. Durante e competencia aki, Elizabeth Timmer, a logra kibra e record Arubano den e age group di damas, 15-17 aña y ta pone un tempo nobo di 32.26 seconde pa e distancia di 50meter ‘Backstroke’ den e age Group aki.

Resultado Landamento Competitivo (medalla)

Oro Silver Bronze Total
Aruba Dolphins 43 27 18 88
Stingray Swimming 36 21 16 73
Swimming Team The Orcas 4 5 6 15
Sports 4 U 1 5 2 8

 

Diasabra mainta, e disciplina di Landamento Artistico a tuma Pisina Olympico Roly Bisslik over y a cuminsa cu e evento di figuras. Despues di e evento di figuras, a sigui cu e competencia di elementonan technico y e presentación di e duet nan unda Kainah Croes y Meghan Tromp a presenta nan duet. 

Resultado Landamento Artistico (figuras)

Categoria ’10 and under’: 1) Xiana Hoo 2) Xia Rodriguez 3) Katiana Vizhco
Categoria ’12 and under’: 1) Abizahi Sanchez 2) Sofia Cardona 3) Alina Dirks

Categoria 13-15: 1) Avigayle Tromp 2) Angelina Hamoen 3) Mikayla Morales

Diadomingo mainta trempan a continua cu e weekend di competencia na Zeerover unda e evento di Open Water a tuma lugar. Pa e evento di Open Water landadornan por a competi den e distancia di 1km, 3km y 5km. Pa e distancia di 1km tawata tin categoria 8-12 aña y 13 aña+ femenino/masculino. Pa e distancia di 3km tawat tin e categoria 12-13 aña y 14 aña+ femenino/masculino.

Pa e distancia 5km tawata tin e categoría nan 13 aña, 14-15 aña, 16-18 aña y 19 aña+ femenino/masculino. Pa e distancia di 1km Braynsly Dirksz ta crusa e finishline prome cu un tempo di 15:46.92, pa e distancia di 3km Elizabeth Timmer ta cruza e finishline prome cu un tempo di 45:39.62 y pa e distancia di 5km Lucien Peterson ta cruza e finishline prome cu un tempo di 1:18:21.92

Ta importante pa menciona cu e distancia di 5km pa e evento di ‘Open Water’ tawata un evento clasificatorio pa CARIFTA 2019. Britta Schwengle (15), Lucien Peterson (17), Ronald Fun (14) y Giannon Eights (17) ta logra clasifica pa CARIFTA 2019 y lo representa Aruba na Barbados.

 

- Advertisement -

DUNA COMENTARIO

Please enter your comment!
Please enter your name here