Home General Asina ex sindicalista Gregorio Wolff ta wak aña 2018 na Aruba

Asina ex sindicalista Gregorio Wolff ta wak aña 2018 na Aruba

85
0
SHARE
- Advertisement -

ORANJESTAD (AAN):  Ex sindicalista Gregorio Wolff a haci un analisis di aña 2018 unda el a resalta e cosnan positivo y esunnan no mucho bon.

E ta cuminza bisando algo aspecto:

 

Cosnan positivo di Gobierno MEPPORRED

E prome aña di gobierno MEPPORRED a pasa sin mucho cosnan nobo, specialmente si compara loke a wordo campaña na 2017.

Laga nos cuminsa na menciona e pasonan positivo di e gobierno MEPPORRED

 

Introduccion di mas impuesto

Esaki pa den futuro nos tin nos situación financiero sanea después di e desaster di gobernación 2010-2117. Mas impuesto a la bbo por ser mira como algo negativo, pero pa sigura futuro bo por wak e toch como algo positivo, sigur pa e futuro generacionnan, ya cu e ta pa sanea e situación financiero malisimo. Logicamente esnan cu a comete e desaster 2010-2017, no tin palabra bon pa esaki.

Pero ta futuro lo dicidi tambe si berdad e medidanan ta bay mehora e situación económico, pasobra si no bini cambio di maneho, esta ta sigui aplica e mesun reglanan, nos no ta bay mira adelantonan den futuro y e situación financiero desastroso lo keda igual  y nos ta sigui “hala faja mara”.

 

Solucion pa Dump, algo positivo.

Un asunto positivo ta e desicionnan di gobierno, Min Oduber, ariba posible solución di e problema grandísimo di nos Dump Nacional.

Si mi lesa prensa bon, poco a poco nos ta bayendo na soluciona e problema grandi.

Nos no a yega ainda unda mester ta, pero mi ta confía den nos expertonan pa conseha gobierno  pa tuma e mihor desicionnan pa yega na un bon final.

 

Positivo ta e plan social pa combati e problemanan social y pobresa extremo.

Después cu basta tempo nos a cera wowo pa nos problemanan social, esaki a explota y nos a haya nos cu problemanan grandi, pa cualnan nos mester busca solución.

Ministro di Asuntonan Social, cu su team di expertonan a traha un plan bon hinca den otro cual a ricibi e apoyo di gobierno completo, después pa e plan wordo aproba unanimamente den parlamento, hopi bon.

 

Un Minpres prepara cu sa con pa guia e país.

Nos minpres, a pesar di cierto errornan cu e a comete, toch su conocemento di materia, su dinamismo  y su actitud  como hefe di Gobierno y como nos Ministro-Presidente a sa di duna guía na Aruba, ta abierto y a demonstra un positivismo sin ta demasiado emocional. Tur esakinan hopi mas mihor compara cu e anterior Min-pres.

Tin mas asuntonan positivo, pero no grandi  di e gobierno aki, cu sigur ta existi.

- Advertisement -

DUNA COMENTARIO

Please enter your comment!
Please enter your name here