Home Economia Awor na 2019 cada ‘shot’ di drink na Aruba ta subi cu...

Awor na 2019 cada ‘shot’ di drink na Aruba ta subi cu maximo 50 cent

1080
0
SHARE
— Prijs per shot di bebida sterki lo subi te max 50 cent, y kelki di biña lo subi 6 cent.
- Advertisement -

ORANJESTAD (AAN): Cambionan di Impuesto cu Gabinete Wever-Croes a bin ta anunciando ta worde ehecuta y  desde prome di januari 2019.

Gobierno a informa  comunidad di e Reforma Fiscal cual Gobierno ta considera e Cambio Husto pa Aruba henter.

Tin comportacionnan cu ta causa daño, sea na bienestar di hende, of na salud di hende, por ehempel alcohol y sigaria. Alcohol ta causa di hopi violencia y accidente di auto. Humamento di sigaria ta causa di hopi problema di salud. Ambos caso ta causa gastonan grandi pa gobierno, especialmente gastonan di salud y di siguridad. Gobierno a dicidi cu esun cu scoge pa uza alcohol of tabaco, lo paga un parti mas grandi na caha di gobierno cu esun cu no ta uz’e, y asina lo aumenta e tarifa di accijns y / of invoerrechten riba sigaria y riba alcohol.

 PRIJS PER SHOT:

Al contrario di sumanan exhorbitante cu oposicion ta plamando rond, e calculacionnan a worde haci riba bebidanan alcohol. Botter di Whiskey, Rum, Ponche Crema, Gin entre otro, ta subi cu 7 Florin pa botter. Ora cu parti esaki den shot, un botter di 0.7 ta saca 15 pa 20 shots.

Pues e aumento pa cada drink/shot ta entre 35 pa 50 cent depende cuanto shot ta saca di cada botter. Boter di Biña di 0.7 liter ta aumenta cu 30 cent.

Si un boter sirbi 10 kelki di biña, e aumento pa cada kelki ta 6 cent.

“Den cuadro di e Reforma Fiscal y e Cambio Husto, Gobierno ta baha e tarifa di loonbelasting pa asina abo keda cu mas placa den bo man na fin di luna, pa asina ABO, y no gobierno, dicidi na kico bo ta bay gaste. Si abo scoge pa gast’e na alcohol y sigaria, ta BO escogencia. Esaki ta e Cambio Husto cu lo trece mas progreso y bienestar pa tur”, Prome Minister Evelyn Wever-Croes a duna di conoce.

 

- Advertisement -

DUNA COMENTARIO

Please enter your comment!
Please enter your name here