Home Turismo Bucuti & Tara Beach Resort nombra den e top 10 hotelnan pa...

Bucuti & Tara Beach Resort nombra den e top 10 hotelnan pa Romance na mundo

30
0
SHARE
- Advertisement -

Resort tambe a sali number 1 den e top 25 hotelnan den Caribe

ORANJESTAD (AAN):  Ora nos ta papia di romance, TripAdvisor sa cu e lugar perfecto ta Bucuti & Tara Beach Resort. E website pa biahe mas grandi di mundo a caba di anuncia e ganadornan di 2019 cu a wordo scogi door di e biaheronan mes (¨Travelers Choice Awards¨).

Bucuti & Tara Beach Resort a wordo nombra den e top 10 hotelnan pa Romance na mundo – e unico hotel den Caribe cu a alcansa e lista mundial. Adicionalmente, pa di cuatro aña consecutivo, Bucuti & Tara Beach Resort a wordo nombra e hotel number 1 pa Romance den henter Caribe.

Completando e honor aki, Bucuti & Tara Beach Resort tambe a sali number 1 den e top 25 hotelnan den Caribe, y su hospitalidad unico a keda como number 1 di e top 25 hotelnan di Caribe.

E resort aki cu ta situa riba Eagle Beach ta e lugar perfecto pa parehanan di rond mundo. Su Conciergenan specialisa den Romance ta asisti parehanan pa e vakantie di nan soñonan bira realidad, for di tripnan special rond di e isla pa un cena romantico pa dos riba beach, programa di bienestar personalisa te cu experencianan mas aventuroso. E resort aki, cu ta pa adulto so, ta un refugio di luho y trankilidad cu ta e resultado di scucha atentamente a traves di añanan pa sa kico e huespednan di e resort di berdad ta spera di nan resort favorito.

Mantene e romance bibo y fresco kier men cu Bucuti tin un compromiso pa mehora constantemente. Aña pasa e resort a logra bira e prome resort den Caribe cu ta certifica como “Carbon Neutral” pa asina por ofrese e huespednan un vakantie sin sinti nan mes culpabel pa cu medio ambiente y cu ta mes saludabel pa nan como pa nos planeta. Adicionalmente e resort a caba di completa su ultimo iniciativa di reinversion resultando den un tremendo experiencia na momento di yegada. Cu un entrada sofistica incluyendo servicio di Champagña y Lobby cu Concierge, huespednan ta haña un Bon Bini di nan concierge priva cu ta procesa nan registracion na caminda pa nan kamber pa asina nan vakantie por cuminsa di biaha sin tin mester di warda na un front desk.

Ken ta resulta di ta e ganadornan ta basa riba miyones di evaluacion manda door di usuarionan di TripAdvisor rond mundo. Celebrando su di 17 aña di e tipo di reconocimentonan aki, TripAdvisor a reconoce 7,812 propiedad na 94 diferente pais. E seyo di calidad di hotelnan cu ta gana e premio “Traveler’s Choice” (Escogencia di Biahero) ta nan calidad, servicio y balor remarcabel.

“Nos ta felicita a propiedadnan rond mundo cu a wordo reconosi como e mihor hotelnan y cu asina a haña nos honor di mas grandi – Escogencia di Biaheronan (Travelers’ Choice awards)” segun Desirée Fish kende ta vice presidente di comunicacion global pa TripAdvisor. “Biaheronan por tuma e ganadornan aki na cuenta ora di scoge e hotel perfecto segun nan necesidad – pa cualke presupuesto of tipo di biahe – pa inspira nan biahenan den 2019”.

“Wordo nombra como un di e top 10 hotelnan mas romantico na mundo y e hotel number 1 pa romance den ful Caribe pa di cuatro aña consecutivo ta un refleho formidabel di e dedicacion di nos asociadonan kende ta asisti cada huesped pa nan experiencia e vakantie mas memorable” asina e director y doño di Bucuti & Tara Beach Resort, Ewald Biemans, a bisa. “Nos ta gradici TripAdvisor pa e honor di por representa Aruba riba escenario mundial”.

- Advertisement -

DUNA COMENTARIO

Please enter your comment!
Please enter your name here