Home General Caminda di Paradera pa Playa lo conoce un rotonde estilo Paperclip

Caminda di Paradera pa Playa lo conoce un rotonde estilo Paperclip

777
0
SHARE
— E construccion lo dura como 3 luna.
- Advertisement -

ORANJESTAD (AAN): E caminda di Paradera pa Oranjestad ta pasa un tiki door di Sero Patrishi.  Aki tin e dos biradanan peligroso, net banda di e tereno cu antes tabata Veld di Sibonné.

E Veld aki no ta existi mas, y door di dje awor Watty Vos Boulevard ta wordo construi.

Y net na e area aki, lo bay bin un rotonde estilo Paperclip.

Departamento di Obra Publico ta desea di informa e comunidad di Aruba pero especialmente e automobilistanan cu ta haci uzo di e caminda di  Sero Blanco/ Sero Patrishi  cu diabierna awo dia  11 di januari 2019 lo bay cera e caminda for di 9’ or di mainta relaciona cu e inicio di contruccion di un rotonde paper clip. E rotonde akinan lo tin 5 salida.

Desviacion di trafico ta lo siguiente:

(*) Trafico for di Sero Blanco direccion Sero Patrishi/Paradera  lo bira na man robes adres Sero Blanco 47 sigui te cu Tanki Leendert 50-B pa yega Sero Patrishi 357 y ultimo sigui te cu Sero Patrishi 45 pa asina yega riba e caminda di Paradera.

(*) Trafico for di Paradera direccion Sero Blanco/Oranjestad lo bira na man drechi Sero Patrishi 45 sigui te cu Sero Patrishi 357, yega Tanki Leendert 50-B pa asina yega riba e caminda di Sero Blanco.

Duracion di e construccion lo ta 3 luna.

En conexion cu e trabaonan menciona Departamento di Obra Publico ta haci un peticion na tur automobilista pa no haci uzo di e camindanan menciona. Ta urgi un y tur pa tuma bon nota di e borchinan di indicacion y por fabor tene cuenta cu e inconveniencianan cu por surgi.  DOW ta pidi disculpa y ta gradici pa e comprencion.

- Advertisement -

DUNA COMENTARIO

Please enter your comment!
Please enter your name here