Home Hudicial Castigo 11 aña di prison pa Venezolano cu a haci 4 atraco...

Castigo 11 aña di prison pa Venezolano cu a haci 4 atraco arma

393
0
SHARE
- Advertisement -

ORANJESTAD (AAN): Diabierna den Corte di Husticia tanto Fiscal como Hues a baha pisa riba e Venezolano J.A.V.L., kende a haci 4 atraco arma aña pasa. Fiscal a exigi 12 aña di prison y Hues a condena J.A.V.L. na 11 aña di prison.

Cu e castigo aki, Corte di Husticia y Ministerio Publico ta manda un señal bon cla na un y tur, especialmente esnan extranhero cu NO ta tolera atraco arma na Aruba.

CUATRO ATRACO ARMA:

E acusacionnan cu Fiscal a presenta contra J.A.V.L. ta:

– Dia 21 di Maart 2018 hunto cu otronan a haci un atraco cu violencia riba un supermercado. Nan tabata cu cara tapa y a saca arma di candela y pone riba curpa di un di e personanan y a bis’e: “Duna mi e placa”. Nan a bay cu cent, tas y cadena di oro cu tabata pertenencia di 3 persona. Tambe a pone arma riba un otro persona y a ranca su tas y su cadena y a pone arma riba un di tres persona y a bis’e: “Bo move mi ta mata bo”.

– Dia 23 di Maart 2018 a haci otro atraco arma riba un otro supermercado. V.L. a drenta e supermercado cu cara tapa y arma cu un arma di candela. El a dirigi e arma riba esnan den e supermercado. El a bay cu placa di dos persona.

– V.L. ta worde acusa di posesion di arma di candela riba 21 di maart 2018 y 23 di maart 2018 y 14 di mei 2018.

– Ademas V.L. ta worde acusa, conhuntamente cu un otro of otronan, ladronicia cu violencia riba 14 di Mei 2018 di un tas cu telefon y un boshi di yabi cu tabata pertenece na un y/of tres persona. E violencia a encera cu a menaza e personanan cu arma y/of a pusha e arma cu forza contra pecho di un di nan y/of a dal e varios biaha cu e cabo di e arma na su cabez y/of a tene un otro persona cu forza y a oblig’e pa drumi abao y/of a tene e arma na cabez di e di tres persona.

11 AÑA DI PRISON:

Fiscal a condena totalmente e hecho cu J.A.V.L. ta bin for di Venezuela cu e solo meta pa haci atraco arma. Atraco arma ta causa hopi inseguridad na Aruba. Fiscal ta haya legalmente proba tur cuater atraco arma y a exigi 12 aña di prison, kitando e tempo cu e sospechoso ta sera den KIA. Hues a sera tratamento di e caso y a dicta sentencia di biaha.

Hues ta haya legalmente proba tur e acusacionnan. Hues tambe ta haya cu atraco arma ta causa inseguridad na Aruba. Hues a condena J.A.V.L. na 11 aña di prison, kitando e tempo cu e ta sera den KIA.

- Advertisement -

DUNA COMENTARIO

Please enter your comment!
Please enter your name here