Home Social Celine Shipley a bira Reina di Colegio EPI 2019

Celine Shipley a bira Reina di Colegio EPI 2019

124
0
SHARE
- Advertisement -

ORANJESTAD (AAN): Cu iluminacion pober, Diabierna anochi a tuma lugar den Aruba Entertainment Center e eleccion di Reina di Colegio EPI.  Publico tabata hopi anima di trempan, pa asina mira prome e competencia di Prins y Pancho cu tabatin 2 pareha compitiendo.

Colegio EPI semper ta sobresali den eventonan di Reina, cu nan candidatanan presentando den nan costume traha di materialnan recicla, y e biaha aki atrobe esey tabata un beyeza completo.  Cinco candidata a competi pa e titulo maximo, esta Sabina Olive, Celine Shipley, Janesis Cano, Yosley Yanes, y Emily-anne Eerenciana.

Algo despues di 12:00 am, a eligi e ganadornan.  Reina a bira candidata number dos, Celine Shipley.  Prome finalista a bira Janesis Cano.  Di dos finalista a bira Yosley Yanes.

Premio pa mihor trahe a bay pa Sabina Olive.  Premio di mihor speech pa Celine Shipley.  Premio di Best Show pa Yosley Yanes.  Premio di mihor makeup pa Celine Shipley.

Miss Popular a bira Janesis Cano.  Premio di Social Media a bay pa Janesis Cano.  Miss Amistad ta Yosley Yanes.

Directora Yraika Yanez a haya e honor pa kita e corona di nan reina saliente Kimberly Geerman y pone esaki riba cabez di Celine Shipley.

 

- Advertisement -

DUNA COMENTARIO

Please enter your comment!
Please enter your name here