Home Comercio Comerciantenan tin te 30 di Juni 2019 pa haci cambio y elimina...

Comerciantenan tin te 30 di Juni 2019 pa haci cambio y elimina tax riba recibo

580
0
SHARE
- Advertisement -

Clientenan mester tene cuenta tambe

ORANJESTAD (AAN):  Ainda e asunto di elimina e tax riba e recibi tin basta hende bruha.  Tin companianan cu ainda tin poni riba e recibo e BBO tax, e BAZV y e BAVP.

Hopi cliente cu ta bishita e negoshinan na Aruba ta cu e impresion cu e prijs cu nan ta wak na e reki ta e prijs cu nan tin cu paga na caha. Pero ora nan ta yega na caha, ata!… ta bin e taxnan.

Lo ta bon pa cuminza pone algun poster informativo na e negoshinan na Aruba indicando te ki dia esaki ta permiti. Cua ta e periodo di gracia pa e comerciantenan haci e cambionan riba nan sistema di caha.

Asina lo evita cu cada bez ta bin reclamo constant na e comerciantenan den nan negoshi. Posiblemente e informacion cu a bay den medionan di comunicacion no ta suficiente ainda. Por ta por haci un intento mas di bin cu mas material informativo.

Esaki ta e informacion cu Departamento di Impuesto ta dispone di dje riba nan website:

Factura of recibo
    Entrante 1 di januari 2019 tur comerciante – cu tin e deber di paga BBO, BAVP y BAZV – ta prohibi pa menciona e suma di BBO, BAVP y BAZV riba e factura of recibo cu e ta duna su cliente na momento di efectua un benta.

            Periodo transitorio
   Teniendo na cuenta cu tin comerciante cu mester adapta nan sistema digital relaciona cu e cambionan di ley menciona, gobierno a dicidi cu lo mantene un periodo transitorio pa asina duna e comerciantenan aki mas espacio pa haci e adaptacionnan necesario.

E periodo transitorio ta 6 luna y pues ta valido te cu dia 30 di juni 2019. Despues di 1 di juli 2019 – e fecha cu ta premira cu e fase 2 di Reforma Fiscal lo wordo implementa – e comerciantenan mester ehecuta e ley manera indica.

 

Boet
     Den caso cu un comerciante no cumpli cu e prohibicionnan menciona, inspector di impuesto por impone un boet di maximo Afl. 10.000.

Ta asina cu den ley, awor e suma di producto/servicio cu e cliente (di e comerciante) ta mira den tienda ta e suma cu e cliente aki ta paga tambe na caha. No por cobra un cliente un suma mas halto na caha of ora di traha e factura. Mester tene cuenta cu e periodo transitorio y entrante 1 di Juli 2019 bo no lo mester wak mas e taxnan riba e factura of recibi. Na mesun momento, e prijs cu bo ta mira na e reki of riba e producto of caminda bo haya e producto of servicio, esaki mester ta mescos na caha.

 

- Advertisement -

DUNA COMENTARIO

Please enter your comment!
Please enter your name here