Home Social Concierto Dominical Donny Laclé cu un programa varia di nos talentonan musical

Concierto Dominical Donny Laclé cu un programa varia di nos talentonan musical

54
0
SHARE
- Advertisement -

Diadomingo awor

ORANJESTAD (AAN): Diadomingo 27 di januari Fundacion pa Talento Musical Donny Laclé ta invita pueblo di Aruba pa presencia su prome Concierto Domincal pa aña 2019 den “Café Musical” na Biblioteca Nacional na Playa di for di 11.00 or di mainta te 1.00 or di merdia.

E concierto ta cuminsa cu Grupo Mélange bou di guia di Maybelline Arends-Croes cu lo deleita e publico cu cantica conoci. Maybelline ta invita tur hende pa bin prepara pa canta hunto cu nan.

Ta sigui cu un bunita repertorio di guitarista Ryan Maduro y e cantantenan Angela Croes y Zanelti Croes.

Trio Los Tres & Amigos ta clausura e programa cu musica alegre, crioyo y bailabel. E grupo ta consisti di Erick Uchtman, Vito Franken y Eric Ignacio. E amigonan cu ta compaña nan ta Tommy Figaroa y Isnardo (Chonai) Farro.

Ta invita tur bishitante fiel di Concierto Dominical y henter pueblo di Aruba pa ta presente na nos prome Concierto Dominical pa aña 2019. Entrada ta gratis.

Durante pausa ta pasa rond cu un caha di glas pa duna esnan presente e oportunidad pa haci un donacion. E donacionnan cu e Fundacion ta ricibi ta percura pa e Fundacion por otorga beca na diferente hoben pa nan sigui desaroya nan talentonan musical.

Bini uno, bini tur! Bin disfruta di un dushi diadomingo mainta dia 27 di januari na Biblioteca Nacional den George Madurostraat.

 

 

 

- Advertisement -

DUNA COMENTARIO

Please enter your comment!
Please enter your name here