Home General Consumidornan cu preguntanan tocante canasta basico y control door di instancianan

Consumidornan cu preguntanan tocante canasta basico y control door di instancianan

42
0
SHARE
- Advertisement -

ORANJESTAD (AAN) — Despues di a lesa e lista di productonan cu minister di finanzanan y economia a menciona den conferencia di prensa, algun consumidor a tuma contacto cu nos redaccion, cu un par di pregunta.

Algo cu nan no ta compronde ta di con si azeta dushi pa cushina ta un producto cu proteccion di prijs, tog a subi di prijs drasticamente? Tur e tipo di azetanan cu e minister a menciona cu tey caba y lo bolbe tey den e canasta amplia, ta précis esnan cu prijs a aumenta y hasta tin diferencia di prijs den e diferente supermercadonan. Pregunta: ki tipo di control ta tuma lugar?

Coffie instantaneo, esun popular cu tur mayoria di hende ta cumpra, tambe a aumenta di prijs cu dos florin den cierto supermercadonan, y un tiki mas den otronan. Pregunta: unda e control a keda? Y otro sortonan di coffie cu no ta instantaneo (pasobra gobierno no a menciona eigenlijk cual coffie tin proteccion) ta sumamente caro. Lo ta bon pa aclarea e punto aki.

Lechi pa baby, ta otro articulo cu pa basta tempo su prijs ta bin ta aumentando. Awor e consumidor ta scucha cu e ta den e canasta basico, pero no ta specifica cual sorto di lechi esaki ta. Pasobra e ta un di e productonan di mas caro den tur supermercado sin excepcion. Anto, tabata tin control? Esey ta e pregunta di consumidor.

Finalmente, tin consumidor cu ta laga sa cu nan no ta compronde e motibo cu berdura den bleki lo bin den e macuto pero berdura fresco (fruta tampoco) no, pasobra nan ta daña lihe. Pero gobierno ta papiando di control di prijs no di calidad.

Prijs ta un cos y duracion di e producto ta otro, pasobra na fin di cuenta tur producto tin su fecha di expiracion sea cu e ta aparece of no riba label.

Hopi biaha e consumidor ta keha cu den supermercadonan nan no ta controla ki producto a vence, y si nan no ta wak bon e label nan ta bay cas cu algo expira, y e cahero mes no tin chens di wak esaki y no ta aparece den e computer ora di hinke den e recibo.

 

- Advertisement -

DUNA COMENTARIO

Please enter your comment!
Please enter your name here