Home General Costo di plachi number pa autobus tin varios chofer indigna

Costo di plachi number pa autobus tin varios chofer indigna

155
0
SHARE
- Advertisement -

ORANJESTAD (AAN) – Na nos mesa di redaccion a drenta informacion cu chofernan di autobus, cu ta duna servicio di transporte publico den cada distrito, ta sumamente indigna pasobra nan plachi number a bira mas cu dos biaha mas caro, cu anteriormente.

Mucho detaye nos no por duna, pendiente di un informacion cu nos redaccion a solicita na e PR di Servicio di Impuesto, pa nos confirma cu e suma cu chofernan a bisa nos ta corecto.

Si ta parce cu si un of otro chofer a cambia di auto pa un mas nobo y moderno, e plachi di auto ta bira mas caro. Esey ta un argumento cu e chofernan mes a scucha, y aki ta na unda e problema ta sinta pa nan.

 

CLIENTE TA EXIGI:

Hopi chofer mester a pidi placa fia na banco pa nan saca un autobus nobo, pasobra e clientenan no kier subi mas e autobusnan bieu cu ta sona riba caminda manera monton di bleki. Nan no kier subi un bus unda nan paña ta pega di un stul mitad fura, ni un bus cu nan ta pasa den problema pa baha pasobra e asientonan na banda di e porta no ta subi ni baha.

Pero esaki ta e trabao cu e chofernan tin pa añanan largo, pa nan sostene nan famia. E ta un trabao cu no ta genera awendia, mes tanto placa cu den pasado cu semper nan tabata subi e ruta y baha bin bek cu tur ocupacion yen.

Awendia tin oranan cu no tin pasahero mes. Nan ta core bashi y tin dianan cu no ta haya placa ni pa come, pero gasolin si nan tin cu pone tur dia.

Si algo daña e piezanan ta sumamente caro. Di seguro ni papia mes. Na e momentonan aki tin hopi autobus para den garashi y cu no tin areglo mas, y e doño tin cu reemplace pa un nobo of di segundo man pero den bon condicion, y esey ta costa placa!

Anto pa haci un inversion nan ta sinti cu nan ta wordo castiga cu un pago di plachi (impuesto) demasiado halto y nan ta man na cabes pasobra no sa for di unda nan ta bay saca placa pa paga sikiera den dos paga y plus e seguro cu ta rond di 750 florin!

DIARIO ta pendiente di un carta oficial di varios chofer, pero hopi biaha ta sosode cu ora nan tin keho (pasobra no ta esaki so nan tin for di hopi tempo caba), na final nan no ta duna cara pa nan derecho. Pesey tin parti di e informacion aki cu nos ta keda reserva. Pero si ta asina cu tin un situacion tenso den e gremio pa e motibo ya menciona.

- Advertisement -

DUNA COMENTARIO

Please enter your comment!
Please enter your name here