ORANJESTAD (AAN): Diadomingo pa 1.15 or di atardi e grupo di 20 hoben peregrino di Aruba, a aborda e vuelo di Copa Airlines rumbo pa Panama.
Cu vuelo 505 den un Boeing 737-800, nan a sali pa participa den e Jornada Mundial di Hubentud cu ta cuminza Dialuna 21 di Januari, y sigui te dia 27 di Januari. Esaki lo ta na Panama City.
E Jornada 2010 ta dedica na Mama Maria basa riba Evangelio di Lucas “Ata aki e sierva di Señor. Haci den mi segun Bo Boluntad”.
E hobennan luciendo cu orguyo nan flanel di JMJ 2019 y sigur cu e bandera Arubano hopi na halto, lo topa cu Su Santidad Papa Francisco. E delegacion di Aruba ta bao guia di Pader Toti y Pader Andre.
DIARIO ta desea nan un estadia y experiencia maraviyoso durante JMJ na Panama.
Por a nota cu ora cu e delegacion a yega Panama, nan a wordo ricibi cu hopi amabilidad y cariño y hasta cu tapijt cora.
