Home Politica Dia di Betico tabata bon celebra, pero solamente 1 miembro di fraccion...

Dia di Betico tabata bon celebra, pero solamente 1 miembro di fraccion di AVP tabata na e acto protocolario

254
0
SHARE
- Advertisement -

Endy Croes:

ORANJESTAD (AAN):Durante e conferencia di prensa di tur Dialuna di fraccion di MEP, parlamentario Endy Croes a papia riba Dia di Betico.

“Nos tabata tin tras di lomba un dia festivo, celebrando e fecha natal di Libertador Betico Croes, esta  25 di Januari”.

“E dia a bay hopi bon, unda cu desde algun dia prome nos como parlamentario y tambe e ministernan di coalicion a bishita diferente school y na un manera hopi bunita nos tabata conta e storianan di Betico y hasi algun quiz cu e muchanan”.

“Nos a hasi esaki na schoolnan den tur distrito, pa asina por hiba e mensahe y tene e memoria di Betico bibo”.

Esaki segun Croes, kende a sigui bisa cu el a keda hopi contento cu e acto protocolario na Plaza Betico Croes riba 25 di Januari, mientras cu den parti di mainta na cede di MEP tabata tin un actividad, na rotonde di Santa Cruz tabata tin otro actividad, na San Nicolas y na Cas Ariba.

“Mi mes a termina anochi cerca un feria internacional di cabay y na e fiesta cultural na Plaza Betico”.

“Tabata un gran dia bon celebra y hopi bunita”.

“Mi mester lamenta si cu bo ta wak cu ni Mike Eman, di De Meza, ni Benny Sevinger no a pone nada riba nan Facebook di Dia di Betico”.

“Tampoco nan a saca un articulo den corant etc.”.

Esaki segun e parlamentario di MEP, kende a indica cu aparentemente tin un sumpiña un caminda den curazon di AVP.

El a sigui bisa cu e unico miembro di fraccion di AVP cu tabata presente na e acto protocolario na Plaza Betico tabata Michael Lampe.

“Esaki ta un muestra cu nan no tin un aprecio pa e lucha cu Betico a hiba, pa hiba nos despues na un Status Aparte, segun Croes.

- Advertisement -

DUNA COMENTARIO

Please enter your comment!
Please enter your name here