Home General DIMP ta extende deadline pa paga number di auto te 28 Februari

DIMP ta extende deadline pa paga number di auto te 28 Februari

336
0
SHARE
- Advertisement -

Casi 40 mil auto ta ariba caminda sin impuesto debidamente paga

ORANJESTAD  (AAN): Departamento di Impuesto a anuncia diahuebs mainta cu nan a tuma e decision pa extende e deadline pa paga number di auto di aña 2019 te dia 28 di Februari.

Esey ta locual Vocero di DIMP, Meverly Romano a indica. El a bisa cu DIM a otorga e plachinan nobo pa e aña aki y tin hopi ariba caya caba, cual ta e plachinan oranjo cu blanco.

E cargamento di e plachinan a wordo ricibi den luna di December, net bispo di Pasco. E ultimo siman di aña DIMP a traha duro pa por controla e plachinan.

Tin un total di 87116 vehiculo di motor registra locual ta un cantidad considerabel. Despues di a controla tur e plachinan a cuminza cu e otorgamento di e plachinandi number dia 9 di Januari. Aworaki tin 3 siman bezig otorgando e plachinan, a indica.

Aworaki, te cu fin di Januari, kier a duna un actualizacion pa comunidad por tin bista con DIMP ta para na e momentonan aki y con e cumplimento ta tambe.

SERVICIO

Den luna di Januario a duna servicio na e clientenan di 8 am te 8 pm y tambe a duna servicio riba  e ultimo 3 diasabranan. E diasabranan a cuminza un poco slow, pero despues e atendencia a lanta un poco.

E atendencia durante siman tabata miho cu riba diasabra. Loke a nota ta cu e cantidad mas grandi di cliente ainda ta acudi parti mainta. Tog tabata tin cierto dianan cu tanto mainta como atardi y anochi tabata hopi druk, Romano a laga sa.

CIFRANAN

Manera a bisa caba, tin un cantidad di 87116 vehiculo di motor registra, di cual e categoria mas grandi ta e categoria A. Den e categoria A tin un total registra di 76217 vehiculo. E categoria cu ta sigui ta e V-carnan cu ta 4642 y despues e di tres categoria ta e MFA, cu ta e brommernan cu ta 2258.

Den tur categoria a ripara cu na e momentonan aki tin 33470 number registra cu tin e impuesto paga pa full e aña. Esey ta representa 38%.

E cantidad di vehiculonan pa cual e impuesto a wordo paga pa mitad aña ta un total di 11492, cu ta representa 13%. Esaki kiermen cu den e dos grupo aki tin un total di 51% di e cantidad registra, esta 44962 number registra paga na e momentonan aki.

Ta resta un cantidad di 39326 number (45%)  cu te ainda no tin ningun pago haci, e vocero di DIMP a duna di conoce.

E plachinan cu a wordo entrega, cu e persona a indica cu e no ta bay haci uso di e plachi mas of pa wanta e plachi, esey ta representa un cantidad di 2828 plachi cu DIMP a ricibi bek. Di e cantidad aki tin 2590 plachi cu a wordo entrega cu no tabata tin un debe ariba dje.

E cantidad di plachinan cu a wordo entrega cu si tin pago pendiente ta 238, e representante di DIMP a agrega.

- Advertisement -

DUNA COMENTARIO

Please enter your comment!
Please enter your name here