Home General Dr. Edward Cheung su presencia mester wordo amplia den e sistema educativo...

Dr. Edward Cheung su presencia mester wordo amplia den e sistema educativo na Aruba

144
0
SHARE
- Advertisement -

Minister Lampe: “E ta ehempel pa nos hubentud”

ORANJESTAD (AAN): Na Ibero High School a tuma lugar un tremendo presentacion cu presencia di e reconocido yiu di tera Dr. Edward Cheung, kende ta un ingeniero trahando na NASA.

Director  di  Ibero High School, William Andy Centeno ta splica meta di e presentacion di  Dr. Edward Cheung. El a bisa cu e scol ta promove e Programa di Ciencia y nan kier.

Nan tin klasnan cu ta full ekipa cu tecnologia multimedia y nan a haya sa cu e hobennan kier siña y participa locual ta hopi motivador, a bisa.

Tin un promedio di 200 studiante cu ta bon disciplina, cu ta siña bon y cu ta hopi motiva. E ta duna bon credito pa loke nan comportacion, a remarca.

E scol ta reconoci internacionalmente y nan ta acredita pa American Institutions for Accreditation locual ta duna e chens na e studiantenan pa studia na cualkier caminda, Nan diploma ta reconoci na Hulanda, Caribe, Merca y rond mundo, Sr. Centeno a bisa.

Tin studiantenan cu a bay Hulanda, Canada, Merca y ta siñando basta bon.

E presentacion aki di Dr. Edward Cheung tabata un motivacion y e hobennan tabata tin basta expectativa y nan ta disfruta hopi. Nan tabata contento di por conoce Dr. Cheung.

Banda di esaki Minister di Enseñanza Rudy Lampe a expresa cu tabata hopi motivacional pa e hobennan mira un cientifico arubiano cu a destaca na nivel internacional pa bin na scol y conta nan cu el a nace na un di e cayanan cerca di e scol aki y a crece na San Nicolas y a logra algo grandi na nivel internacional.

Segun Lampe esey ta un gran ehempel pa e hobennan cu nan tambe por logra nan soñonan den nan bida. Awendia tecnologia ta haci hopi cos posible y sigur su charlanan lo mester pasa nan na tur scol y mas aworaki cu ta bay tin un facultad di ingenieria y tin EPI cu tin e Unit di Tecnologia. Na EPB tambe ta siña e muchanan Techniek. Tambe tin e vak di robotics.

Sigur Dr. Cheung ta un figura cu lo mester destaca na tur scol y inclui den programanan su conferencianan.

Minister di Enseñanza a agrega cu tin plan pa Premionan Nobel cu a destaca pa trece nan Aruba pa nan por papia cu e hobennan y sigur Dr. Cheung ta un di e cientificonan cu ta inspira nos hubentud. Su presencia mester wordo amplia den e sistema educativo na Aruba, e mandatario a expresa.

Ibero School ta un ehempel, a agrega y kier pa tur scol na Aruba tambe bay den e era digital aki.

- Advertisement -

DUNA COMENTARIO

Please enter your comment!
Please enter your name here