Habitantenan rabia a anuncia cu nan no ta bay keda keto
ORANJESTAD (AAN): Diahuebs for di den oranan di merdia biento a cay y a bira di direccion haciendo cu e holo di gas contamina y sushi di dump a bay den direccion di e bario di Parkietenbos, Mahuma, Simeon Antonio, Aeropuerto y hasta Wayaca.
Pero despues hasta kimamento a cuminsa na e dump. Ta parce mas bien cu esnan cu ta opera e dump no ta sigui ningun direccion di maneho of no tin supervision pa loke ta consideracion cu e contaminacion ta causa pa esnan den e becindario. 
E habitantenan a cansa di pidi gobierno pa no kima mas y pa sera e dump. Mientrastanto a bay over na hiba e sushedadnan comprimi pa ser’i Teishi pero awor ta mira cu con truknan a bolbe y tiramento di sushi ta sigui atrobe, e sero ta birando mas halto y kimamento ta sigui.
Tur cas den e bario mester a sera nan porta y bentana sera. Habitantenan rabia a anuncia cu nan no ta bay keda keto mas. Keda pendiente cu ta bay bin protesta.
