Home Salud Durante aña 2018 como 72 mucha a haya yiu aki na Aruba

Durante aña 2018 como 72 mucha a haya yiu aki na Aruba

3358
0
SHARE
—Monique Giel-Labad di WGK.
- Advertisement -

ORANJESTAD (AAN): Wit Gele Kruis tambe ta forma parti di “Carrousel” cual ta conforma pa un team di profesionalnan trahando den diferente fundacion y cu ta uni pa asina trece informacion relevante y pa concientiza e hobennan durante e temporada di carnaval.

Monique Giel-Labad di WGK a duna di conoce durante un rueda di prensa cu un biaha mas nan ta join e carrousel aki y sigur mirando e cifranan.

   LO MESTER TABATIN 18 CARNAVAL-BABIES:

El a anuncia cu a cera 2018 cu 72 mucha muher cu a haya yiu. E cifra a baha compara cu 2017 cu tabata 93. Pero ora di bay bek na e periodo di “carnaval babies”, esey ainda ta halto, pasobra den tur e lunanan aki, October cu November, a sali cu 18 mucha cu a haya yiu compara cu e otro lunanan anterior, e experto a indica.

Si ta wak e pakico e muchanan aki a yega asina leu di sali na estado (no planea), hopi di esaki ta durante di e periodo di carnaval unda cu alcohol y droga a hunga un rol hopi grandi y a trece cune actonan sexual iresponsabel, cu diferente partners y cu nan no sa ken ta e tata di e baby, Giel-Labad a señala.

Pesey e importancia pa WGK forma parti di “E Carrousel” unda cu ta bay atrobe cerca e muchanan di scol secundario.

Finalmente e representante di WGK a duna di conoce cu e ta contento cu pa medio di e team aki por atende hunto cu e problematica aki.

- Advertisement -

DUNA COMENTARIO

Please enter your comment!
Please enter your name here