Home Gobierno E mihor forma pa soluciona impasse cerca Trahadornan di Triple A ta...

E mihor forma pa soluciona impasse cerca Trahadornan di Triple A ta pa medio di un referendum

50
0
SHARE
- Advertisement -

Minister Dangui Oduber kier sinta na mesa cu tur partido:

ORANJESTAD (AAN):  Minister Dangui Oduber a reuni cu algun delegado di Sindicato STA cu ta representa varios trahador na Triple A.

E mandatario a duna di conoce cu tin un discusion andando for di aña pasa y Presidente di STA Diego de Cuba a presenta un carta unda hopi miembro di STA ta exigiendo un referendum. Nan kier wordo afilia na e fondo di pension di APFA.

Segun Oduber, na e momento aki e fondo di pension cu nan tin, mayoria di trahador ta afilia na Guardian Group. E peticion di De Cuba na gerencia di Triple A ta pa tene un referendum bao di e trahadornan y laga e trahadornan expresa nan mes pa medio di e referendum pa mira si en berdad mayoria di e trahadornan kier wordo afilia na e fondo di pension di APFA.

Esaki ta un discusion andando for di aña pasa, pero unbes mas Diego de Cuba den e reunion a pone e minister na altura di e disgusto cu tin pasobra nan tabata na mesa cu gerencia di Triple A hunto cu mediador.

E mandatario tabata den contacto cu mediador Pontilius pa remedia e situacion cu tin. El a splica De Cuba cu e lo tene un reunion cu gerencia di Triple A un biaha mas y cu hunta di supervision, e board di Triple A pa wak kico por haci den e caso aki pasobra tin hopi tension y presion.

E ta kere cu como minister, e kier pa na aeropuerto tin trankilidad na tur departamento y na e momento aki no tin e trankilidad desea.

“Mi a bisa Sr. de Cuba cu e ta kere cu e mihor forma pa soluciona e impasse cu tin ta bay bek na mesa hunto cu gerencia di Triple A y hunto cu mediador di gobierno pa wak con por yega na un consensus cu tog por brinda e oportunidad pa tene referendum pa asina wak si di berdad e ta cumbini pa tin un pensioen funds cerca APFA”, Dangui Oduber a expresa.

Tin trahadornan ta bisa cu ta cumbini e fondo di pension di Guardian Group y otronan ta bisa cu ta cumbini nan cerca APFA. Pesey mester wak e ora kico ta mas conveniente pa cada trahador, e minister a indica.

Management di Triple A ta esun cu ta dicidi unda nan ta cera un acuerdo pa e fondo di pension. Den e caso aki, no a duna oido pa un referendum locual ta un situacion fastioso. Si mayoria di trahadornan kier un otro fondo di pension, a bisa, e ora mester sinta na mesa, dialoga y purba yega na un consensus.

Na e momentonan aki e partidonan ta hopi leu di otro. Sindicato STA ta basta indigna y pesey ta bay sinta na mesa cu gerencia di Triple A y tur e partidonan envolvi pa wak con por yega na palabracionnan concreto pa resolve e impasse cu tin na  e momentonan aki, Oduber a finaliza bisando.

 

- Advertisement -

DUNA COMENTARIO

Please enter your comment!
Please enter your name here