Home General E problema na hospital ta “Hire and Fire”

E problema na hospital ta “Hire and Fire”

624
0
SHARE
- Advertisement -

Lider di sindicato ABV:

ORANJESTAD (AAN) –Señora Gina Maduro, lider di Sindicato ABV, a tuma nota di e comunicado manda door di ATIA unda nan ta pidi sindicatonan pa duna respet na dunadornan di trabao.

“ E respet mester bin mutuo, prome cu exigi respet mester respeta e sindicato. E problema cu a cuminza na Hospital a sosode durante cu ABV tabata eherciendo su trabao sindical, e director di cuido di pacient a menaza e vice presidente dilanti siete otro persona cu a wordo retira.

Esey ta comienzo di tur e problema di Sindicato den Hospital, pasobra ta pa hopi tempo caba a wordo stroba pa haci trabao sindical. No ta facil pa ora bo ta sindicalista y trahado tin dos pechi. Unda e dunador di trabao ta purba di kibra e sindicato, dividi’e y dividi e miembronan. Esey ta maneho dictatorial cu ta pasando actualmente na Hospital y ta pasando na e otro companianan tambe”, e lider sindical a expresa.

Sra. Maduro ta papiando di e caso di sindicato, cu ya ta basta cu menaza, intimidacion, palabranan indirecto aunke e biaha aki si tabata directo.
“ Si ATIA pone su mes na nos luga como sindicato, bo tin di respeta bo dunador di trabao. Si bo tin di tene cuenta cu ora bo tin pechi di sindicato bo ta gelijkspartner (partner igual), esey hopi dunador no por cune. Ora mi ta un trahado y abo ta mi hefe hopi biaha e ta recorda hende cu e ta hefe. Ora bo ta sindicalista bo ta haci bo trabao sindical e ora nos ta partner igual mester tin respet mutuo. Esey ta laga hopi di desea di dunadornan di trabao”, sra. Gina Maduro a comenta.

Sra. Maduro ta splica cu hopi sindicato tin di lucha y demostra pakico nan ta existi, ya cu aki na Aruba hopi hende ta contra sindicato.

“Hopi ta parti di Union Sindical Arubano. Hopi cu tin e puesto di dobel pechi ta ripara cu e respet no t’ey mas y ta purba di kibra e sindicato. Sindicatonan mas grandi mes ta haya dificultad compara cu esnan den sector priva. Pesey Sra. Maduro kiermen cu mester proteha sindicato. Trahado tin derecho di afilia na un sindicato. E derecho di existencia di un sindicato ta door di representa su miembronan. “No por ta asina cu durante cu bo ta eherciendo bo trabao sindical pa scapa e trahado bo ta wordo menaza. Tin di proteha e trahado. E problema na Hospital ta hire of fire” segun Sra. Maduro.

- Advertisement -

DUNA COMENTARIO

Please enter your comment!
Please enter your name here