Home Politica E promer caso di Corupcion den gobierno di Mike Eman lo mira...

E promer caso di Corupcion den gobierno di Mike Eman lo mira luz di dia

303
0
SHARE
- Advertisement -

Parlamentario Endy Croes: Paul Croes lo ta den corte desde awe

ORANJESTAD  (AAN): Parlamentario Endy Croes ta amplia riba e caso di Paul Croes ex Minister di AVP kende ta wordo acusa di alrededor di 6 cargo entre otro ambtsmisbruik, malversacion di fondonan publico, labamento di placa (witwassen), violacion di ley di LTU, participacion na un organisacion criminal etc etc. Pues Ministerio Publico tin acusacionnan masha masha pisa contra ex minister Paul Croes.

Entrada hudicial

Pa resumi e caso di Paul Croes desde 2015 esaki a cuminsa lora momento cu el a hiba Solo di Pueblo Corte pa rectificacion alrespecto pruebanan cu a wordo publica con Paul Croes tabata duna ontheffing den tempo record y aparentemente esaki tabata a cambio di pago unda permisonan ta sali mesora.

Solo di Pueblo representa pa su abogado Ruiz by far a gana e caso aki lagando hopi pregunta habri. Ministerio Publico despues a inicia cu investigacion te na momento cu riba e mainta di 28 di maart 2017 den pleno aña di campaña a tene un entrada hudicial na cas di Paul Croes. Mike Eman, en bista di e enbergadura di e caso tabata na altura cu tur esaki tabata pasa den su propio gobierno unda segun informacion tin mas minister di AVP ta bon bon na altura y kisas futuro cercano lo prueba si algun di nan tambe tabata enrikece nan mes cu parti di e supuesto entradanan aki cu sea Paul of hendenan rond di Paul aparentemente tabata cobra clientenan pa ontheffing generando miyones contra ley.

Paul Croes, sospechoso principal

Den luna di augustus 2017 Paul Croes a keda encarcela y a sinta un total di 3 luna y despues a wordo laga den libertad en espera e dia cu e caso wordo trata. Segun informacion ta trata di un caso masha masha grandi unda, banda di Paul Croes kende ta e sospechoso principal, tin 23 sospechoso mas cual ta forma e caso IBIS. AVP den un reunion publico di Parlamento a trece un cambio den ley pa asina Paul Croes siendo cera por a sigui cobra su salario como Minister for di den KIA y e cambio aki e Stempel Parlament di AVP di e tempo aya a bay “VOOR” cu e cambio cu AVP a trece.

Kico tabata exactamente e cambio? E Ley tabata stipula cu si un Minister bira un “verdachte” esta un sospechoso den un caso, e ta wordo “van rechtswege ontslagen”. Marlon Sneek y Baba Herde a entrega un cantidad di cambio momento cu a trata e ley aki y netamente a saca e articulo principal aki completamente for di e ley pa asina acomoda Paul Croes.

Gobernador finalmente no a firma e ley aki cu AVP a aproba sacando e articulo mas importante afor. Esaki ta mustra claramente e pensamento mesquino y di “mafia” di miembronan di AVP. MEP mas cu claro a vota contra e cambionan aki e tempo aya. Mike Eman aparentemente tabata bon bon na altura di tur cos pero pa scapa su mes a laba man manera Poncio Pilatus.

Testigonan contra Paul

Por corda den pleno campaña ora a habri oficina di Mike De Meza na San Nicolas e politiconan amigo a invita Paul Croes publicamente via programa di nan amiga Leoncita pa sali campaña pasobra Mike lo aregla tur cos.

Paul a subi stage na San Nicolas, siendo den un investigacion grandi como sospechoso principal. Kico Mike Eman a manda haci despues y esakinan lo wordo releva den e caso cu lo cuminsa dialuna awor. Mike Eman mes nos por a compronde a manda hendenan di su oficina bay testigua contra Paul.

Ora trata e caso e declaracionnan aki lo bira publico y Paul lo wordo confronta cu declaracionnan di su mesun hendenan. Esaki ta inicio di e “downfall” di AVP. Next in line lo ta Benny Sevinger? Un cos ta sigur e gobierno actual lo bringa pa Integridad pa nunca pero nunca mas cosnan asina lo por sosode. Laga nos no anticipa pero laga nos duna espacio na husticia pa haci su trabao y pueblo lo wordo informa na su debido tempo.

- Advertisement -

DUNA COMENTARIO

Please enter your comment!
Please enter your name here