Home Deporte E storianan impactante y inspirativo di Rechenel Statie y Alwin Lanoy

E storianan impactante y inspirativo di Rechenel Statie y Alwin Lanoy

987
0
SHARE
- Advertisement -

ORANJESTAD (AAN) – Den deporte tambe tabata tin su momentonan menos bunita, caminda deportistanan a haya nan sea den un accidente of a pasa den momentonan cu problema cu salud. Entre nan por corda Rechenel Statie y Alwin Lanoy.

Rechenel Statie

Un milager completo.

Rechenel Statie ta un milager di Dios. Pa tur esnan cu a sigui e storia di e hoben Statie sa cu su situacion tabata uno hopi delicado mes despues di su accidente horendo cu tiki a dune un chens pa scapa. Richi su gana di biba tabata demasiado grandi. Ayuda pa tur su hendenan rond di dje, e hoben Statie a lucha pa mehora y recobra su salud. Awe casi un anja y algun luna nos por bisa cu Richi ta recuperando den forma satisfactorio.

 

Saludando Richi, nos mes haya un emocion grandi cu ta pone bo krop pa no cuminsa yora. E tabata un sentimento increibel pa mira con bon su progreso di recuperacion a bay. E ta papia palabra, haci señal cu su mannan y e ta come su so cuminda normal.

Den su mirada nos a mira un hoben fuerte y balente cu hopi gana di biba y sin lubida tur esnan cu tur dia ta rond di dje pa yude y cuide. Awor Richi ta na Colombia unda e ta recupera den gran forma. E la opera y tur cos ta bayendo den bon caminda. Bida ta siña nos hopi cos, please ban tene cuenta cu nos prohimo, duna un man, yuda un otro ora mas e mester. Bo recompensa lo bin di halto.

Alwin Lanoy

Antony Alwin Lanoy di un derame cerebral na 2017 pa un prome lugar den e Ronde van Aruba 2018.

Diabierna anochi presenciando tur e 586 participantenan sali for di Mariniers Kazerne na Savaneta esnan presente sin duda tin den nan mente cu e participantenan aki ta personanan bon di salud, cu semper ta entrena duro y fisicamente den bon condicion. No ta tur hende por cuminsa cu un recorido di 72km rond di Aruba, e ta exigi mucho mas cu simplemente entrena.

Sinembargo tin un persona mei mei di tur e 586 participantenan cu a core e ronde di diabierna pa diasabra kier a comparti su storia cu nos y cu ta casi imposibel pa kere. E persona aki ta Antony Lanoy alias Tony cu e aña aki a core cu e ekipo di Wix & Zeppenfeldt.

 

Na April 2017(pues net un aña pasa) Tony a haya un derame cerebral (hersenbloeding) cu por poco a coste su bida. Cu hopi urgencia Antony a wordo transporte pa Colombia pa tratamento special caminda e la pasa tres dia den coma. Una bes na Colombia cosnan a bira mas pio caminda Antony a haya hersenvliesontsteking of tambe yama meningitis. Pues dos enfermedad hopi grandi y grave cu no tin duda cu tiki hende lo scapa di esakinan.

Pero suerte di bida a toca Antony mientras su perseverancia y fe pa sigui biba tabata demasiado grandi. Una bes cu e la sali for di peliger di bida, e la lucha y bringa te final pa hasi locual mas e gusta. Cu ayudo di su famia, amigo y conocirnan e la pone metanan su dilanti pa mehora y recupera su estado di salud 100 porciento. Cu hopi terapia, motivacion y pasenshi Tony tabata determina pa bira e persona di antes bek.

No tin duda cu diabierna na e di 26 edicion di Ronde van Aruba, Antony Lanoy a cuminsa cu un reto cu tiki lo durf di cuminsa cune sigur mirando kiko a pasa apenas 1 aña prome. Apoya pa su team consisti di Franc Tomassau, Doede, Marlon Jansen y Paul cu tabata e driver, Antony tabata determina pa caba e di 26 edicion di e Ronde van Aruba den bon forma y locual a pasa tambe.

Diasabra anochi Antony y su team Wix & Zeppenfeldt a logra conkista e prome lugar den e prestigioso Ronde van Aruba 2018 den e categoria 160 – 200 aña di edad. Cu e hazaña aki sin duda Antony Lanoy ta fuente di inspiracion pa hopi di nos. E dicho di “Never ever give up” ta mas cu na su lugar aki. Un palabra di pabien na Antony Lanoy, su famia, amigo y conocirnan.

 

- Advertisement -

DUNA COMENTARIO

Please enter your comment!
Please enter your name here