Home Politica Edgar Vrolijk trahando riba diferente ley y proyecto importante pa 2019

Edgar Vrolijk trahando riba diferente ley y proyecto importante pa 2019

60
0
SHARE
- Advertisement -

ORANJESTAD (AAN): Parlamentario di MEP Edgar Vrolijk ta trahando riba 2 ley pa 2019, unda cu el a haya algun conseho bek caba for di Raad van Advies.

Un di e leynan aki ta e ley di control financiero riba partidonan politico.

“Na 2019 esaki ta bay bira un realidad y sigur ta algo necesario, specialmente si bo wak con algun siman prome cu eleccion tin politiconan cu ta core campañanan multi-miyonario y ta tene fiestanan tur caminda”.

“Bo ta puntra bo mes for di unda e placa ta bin”.

Esaki segun Vrolijk, kende a indica cu mester bin mas transparencia, unda cu e politico mester por mustra for di unda e placa a bin.

Tambe Vrolijk ta trahando riba e ley di integridad di ministernan.

“E esencia di e ley ta cu tur aña e ministernan tin cu declara kico nan tin”.

“Bo no por a drenta awe coriendo un pickup humilde y na final di 4 aña bo tin 4 Hummer, un cas grandi y un yate”, segun e parlamentario.

E dos leynan aki ta importante pa yuda combati corupcion, segun Vrolijk.

Banda di e leynan aki e parlamentario ta bay traha riba e asina yama Functiehuis.

“Hopi aña nos a wak cu tin un Functiehuis para, pero e Functiehuis ey a wordo para pasobra tin varios keho di cosnan cu no ta cuadra”.

“Mi ta bezig cu coleganan pa trece e cambionan necesario pa e ley aki por wordo implementa mas pronto posibel”.

“Importante ta bay ta pa Gobierno percura pa e fondonan tey pa e maestronan por sigui crece”.

“Bo no por campaña, grita y critica, pa despues laga e grupo aki na un banda”.

“No por ta asina cu tin hendenan cu pa 22 aña largo ta cobra e mesun salario”.

“Esey ta hopi inhusto, siendo cu otro camindanan si bo salario ta subi”.

Esaki segun Vrolijk, kende a sigui bisa cu mayoria maestro ta hasi un trabao excelente y no ta haya recompensa pa esaki.

“E hendenan aki tambe mester keda motiva”, segun e parlamentario, kende a indica cu hunto cu Hendrik Tevreden e ta trahando seriamente pa diferente school haya airco na 2019.

E intencion ta pa ayudo bin for di diferente area, incluyendo for di e NV-nan di Gobierno, cu a gasta asina hopi placa na e Green Conferences algun tempo atras.

- Advertisement -

DUNA COMENTARIO

Please enter your comment!
Please enter your name here