Home Hudicial Fiscal a exigi castigo di 2 aña y 1 aña y 6...

Fiscal a exigi castigo di 2 aña y 1 aña y 6 luna pa dos tramitador

252
0
SHARE
- Advertisement -

Tur e otro sospechosonan a haya castigo di trabao pa comunidad

ORANJESTAD (AAN): Dialuna mainta despues di a lesa e resto di nan requisitorio, e dos Fiscalnan a presenta e exigencia di castigo pa tur e 23 sospechosonan den e caso IBIS.

DIARIO a publica extensor den un otro articulo e exigencia di Fiscal pa Paul Croes y Melony Croes-Paesch. Den e articulo aki DIARIO ta publica e exigencia di Fiscal pa e resto di sospechosonan.

Notable tabata cu ayera mainta no ta tur e sospechosonan tabata presente pero nan abogado si. 

   EXIGI CASTIGO DI PRISON:

Di tur e otro sospechosonan cu di un of otro forma tabata envolvi den e reglamento di permiso pa extranheronan, dos di e tramitadornan esta Juan Filiciana y Felipe Schwengle ta esnan cu Fiscal a exigi castigo di prison.

Fiscal a mustra cu diferente ilegal a bisa cu Schwengle a regla permiso pa nan. Filiciana a declara cu hunto cu Schwengle y Aleida Vasquez a falsifica documentonan.

Pa cada firma tabata cobra 750 Florin. Hopi di e extranheronan tabata tin permiso di e compania di Schwengle pero no tabata traha p’e. Vasquez tambe tabata envolvi caminda den su oficina tabata traha recibonan di salario falso, cartanan, peticionnan di permiso.

Nan ta laga pasa cu tin hendenan ta traha pa nan pero en realidad no ta asina.

Fiscal a exigi 2 aña di prison pa Filiciana y 1 aña y 6 luna di prison pa Schwengle. 

    CASTIGO COMBINA:

Ta asina cu tur e otro sospechosonan, empresarionan, empleadonan rond di Paul Croes, Fiscal a haya castigo combina o sea a haya trabao pa comunidad y un castigo condicional cu un tempo di prueba. Pa Aleida Vasquez ariba menciona, Fiscal a exigi 80 ora di trabao pa comunidad y si e no haci esaki e lo mester bay 40 dia sera den prison. Ademas Fiscal a exigi 4 luna di prison condicional cu un tempo di prueba di 3 aña.

Di e grupo tin 4 sospechoso cu Fiscal a exigi 240 ora di trabao y si no haci esaki lo mester bay 120 dia sera den Prison. Ta trata aki di Roque Aparicio, Esmero Capriles, Tat Cheng, Ninosca Nuñez. Ademas Fiscal a exigi pa Nuñez, Cheng y Capriles, 4 luna di prison condicional cu un tempo di prueba di 3 aña. Pa Aparicio, Fiscal a exigi 1 aña di prison condicional cu un tempo di prueba di 3 aña.

Pa Selma Arends, Fiscal a exigi 180 ora di trabao pa comunidad y si e no cumpli cu esaki, e lo mester bay 90 dia den prison. Fiscal a exigi tambe 4 luna di prison condicional cu un tempo di prueba di 3 aña.

Pa Tad Siem Mong, Fiscal a exigi 160 ora di trabao pa comunidad y si e no cumpli cu esaki e lo mester bay 80 dia sera. Fiscal tambe a exigi 4 luna di prison condicional cu un tempo di prueba di 3 aña.

Pa Rudmilla Martinus, Fiscal a exigi 110 ora di trabao pa comunidad y si e no cumpli cu esaki, e lo mester bay 55 dia sera den prison. Fiscal tambe a exigi 4 luna di prison condicional cu un tempo di prueba di 3 aña.

Pa Franklyn Bareño y Mario Arango Quinceno, Fiscal a exigi 100 ora di trabao pa comunidad y si nan no cumpli cu esaki, nan lo mester bay 50 dia sera. Fiscal tambe a exigi 2 luna di prison condicional cu un tempo di prueba di 3 aña.

Pa Marie Vernais y Jairo Wever, Fiscal a exigi 90 ora di trabao pa comunidad y si nan no cumpli cu esaki nan lo mester bay 45 dia sera den prison. Fiscal tambe a exigi 3 luna di prison condicional cu un tempo di prueba di 3 aña.

Pa Juan Vasquez Lopez, Fiscal a exigi 80 ora di trabao pa comunidad y si e no cumpli cu esaki e lo mester bay 40 dia sera den prison. Fiscal tambe a exigi 4 luna di prison cu un tempo di prueba di 3 aña.

Pa Hang Chang Fung, Robio Di Vecchia y Fernando Latoracca, Fiscal a exigi 40 ora di trabao pa comunidad y si nan no cumpli cu esaki, nan lo mester bay 20 dia sera den prison. Fiscal tambe a exigi 2 luna di prison condicional cu un tempo di prueba di 3 aña.

Pa Chunyan Liang y Luis Ochoa Ramirez, Fiscal a exigi 30 ora di trabao pa comunidad y si nan no cumpli cu esaki, nan lo mester bay 15 dia sera den prison. Fiscal tambe a exigi 2 luna di prison condicional cu un tempo di prueba di 3 aña.

E siman aki e abogadonan lo hiba nan defensa y despues Hues lo fiha un fecha pa sentencia.

 

- Advertisement -

DUNA COMENTARIO

Please enter your comment!
Please enter your name here