Home Hudicial Fiscal ta adverti cu lo exigi castigo pisa pa Paul Croes

Fiscal ta adverti cu lo exigi castigo pisa pa Paul Croes

2808
0
SHARE
— Ex-Ministro Paul Croes hunto cu su casa Melony.
- Advertisement -

ORANJESTAD (AAN): Diabierna mainta casi tur e sospechosonan tabata presente den sala di Corte hunto cu nan abogado pa scucha e requisitorio di Fiscal. Fiscal a duna e abogadonan un requisitorio di 171 pagina.

El a cuminsa lesa y banda di 11’or a tene un pausa. Promer cu e pausa, Hues a tene un punto di orden, mustrando cu e no ta kere cu Fiscal lo keda cla cu su requisitorio.

Fiscal a bisa Hues cu ta trata aki di un caso grandi y importante pa Ministerio Publico. E kier presenta tur e delitonan pa despues mustra e culpabilidad y exigi castigo.

    CASO TA SIGUI DIALUNA:

Hues a bisa cu otro siman tin planea e parti di defensa di cada abogado y reaccion di Fiscal. Diaranzon ta e unico dia liber pero e ora ey lo usa e dia ey tambe.

El a puntra abogado mr. Vaders di Paul Croes si e lo ta un problema, mirando cu mr. Vaders ta di Curacao. Den e pause abogado mr. Vaders a bay check y a informa Hues cu no tin problema.

E ora ey a keda dicidi cu Dialuna mainta, Fiscal lo sigui cu e parti cu e falta ainda y lo haci e exigencianan.

E sospechosonan ta Patrick Croes, Roque Aparicio, Esmero Capriles, Selma Arends, Melony Croes Paesch, Juan Filiciana, Felipe Schwengle, Aleida Vasquez, Tat Cheng, Siem Wong, Hang Chang Fung, Chunyan Liang, Robio Di Vecchia, Luis Ochoa Ramirez, Ninosca Nuñez, Franklyn Bareño, Fernando Latoracca, Juan Vasquez Lopez, Robert Dalmeijer, Jairo Wever, Mario Arango Quinceno, Rudmilla Martinus, Marie Vernais.

   LO EXIGI HOPI CASTIGO PA PAUL:

Fiscal a cuminsa papia di combersacionnan di Paul Croes den auto para dilanti supermercado. Fiscal a mustra cu Paul a bisa via cellular cu e dispensacion di permiso ta keda cla y e mester haya cahanan di cerbez y mil Dollar.

Fiscal a bisa cu tin hopi prueba cu Paul Croes tabata haci esaki diferente biaha. E ta haya cu un minister mester ta confiabel y tin un funcion pa duna ehempel na comunidad. Un minister mester ta integro. E minister di Labor cu ta worde paga pa regla dispensacion di permiso pa traha ta tira e integridad di e pais na suela. Haya cu merece castigo di prison pa tempo largo. Fiscal den su requisitorio ta haci mencion di e caso Schotte na Curacao.

Fiscal ta mustra cu Schotte no tabata ambtenaar promer cu el a drenta politica pero Paul Croes. Esey ta nifica cu awor cu Paul Croes a distancia di politica e lo por bolbe bira ambtenaar.

Fiscal ta haya cu Paul Croes a discualifica completamente pa ta un ambtenaar. E mihor cos lo ta si Paul Croes nunca por bira ambtenaar, politico, pero esey den ley no ta posibel. Fiscal a bisa cu Ministerio Publico a scoge pa un medida cu tin e periodo maximo y esaki no solamente pa Paul Croes no por bira politico sino tambe no por bira ambtenaar.

 

- Advertisement -

DUNA COMENTARIO

Please enter your comment!
Please enter your name here