Home General Fundacion Respeta Mi ta lanza campaña pa concientiza riba e tema “Negligencia”

Fundacion Respeta Mi ta lanza campaña pa concientiza riba e tema “Negligencia”

60
0
SHARE
- Advertisement -

ORANJESTAD (AAN):  Fundacion Respeta Mi a lanza un campaña cu un tema special e aña aki cual ta e tema di “Negligencia”.

Den conferencia di prensa e representantenan di e fundacion a duna di conoce cu nan a scoge e tema aki ya cu negligencia ta un forma di abuso pasivo y mester di haya mas atencion.

Ta algo cu ta pasa diariamente na Aruba y ta bon pa comunidad ta informa pa asina preveni esaki y contribui na e bienestar di e muchanan tambe.

Nan conseho ta pa mayornan, educadornan y pueblo en general busca e informacion necesario tocante esaki. Negligencia no ta algo cu bo wordo mira, manera por ehempel un herida. E no ta wordo semper señala na tempo y mayoria di biaha ta wordo descarta cu tur e consecuencianan negativo cu esaki tin, principalmente ora cu e mucha bira adulto.

Pesey kier brinda e mayornan y comunidad e hermentnan necesario pa lanta e mucha unda e por sinti “safe”.

Informacion ta hopi importante pa e mayornan sa precis kico ta negligencia, kico ta e formanan. Negligencia fisico, por ehempel ta un tiki mas visibel. Ora un mucha no ta baña, su paña ta kibra, mal nutri.

Negligencia emocional, den e caso aki e daño ta paden y esaki ta algo cu por wak te ora e mucha bira adulto.

Desde Augustus, Fundacion Respeta Mi tin nan Bureau Preventie Medewerker. Nan trahadornan ta bezig cu un programa anual pa brinda hermentnan na e mayornan.

Di e forma aki pa siman pa medio di nan facebook page lo brinda consehonan pa e mayornan y comunidad di Aruba en general.

 

- Advertisement -

DUNA COMENTARIO

Please enter your comment!
Please enter your name here