- Advertisement -
ORANJESTAD (AAN): Carnaval ta keda un actividad cultural, economico y turistico importante pa nos Pais. E organizacion, participacion y e musica ta locual ta haci e exposicion cultural aki posibel.
Den cuadro di esaki Minister encarga cu Cultura a reuni cu Fundacion SMAC y Fundacion MUSICA pa brinda un aporte financiero di 50 y 25 mil respectivamente pa por cubri un parti chikito di e gastonan grandi cu e organizacion di Carnaval ta trece cune.
Minister Ruiz-Maduro den nomber di Gobierno ta desea tur dos organizacion cu ta traha na bienestar di Carnaval di Aruba, hopi exito y ta spera cu na final di e periodo nos por wak back na un Carnaval 65 exitoso yena cu un vibracion positivo pa nos Pais.
- Advertisement -
