Home General Hobennan mester tuma e funcionan clave den Gobierno, pa asina tin continuidad...

Hobennan mester tuma e funcionan clave den Gobierno, pa asina tin continuidad den futuro

106
0
SHARE
- Advertisement -

Gregorio Wolff:

ORANJESTAD (AAN):  Segun e ex sindicalista Gregorio Wolff tin algun asunto menos bon cu a sosode na 2018. El a haci un analisis di loke tabata positivo, pero tambe el a referi na e aspectonan cu e ta considera menos bon. E ta señala:

Hobennan no ta recibiendo e oportunidad pa tuma over.

“Un cos fastioso pa menciona ta e hecho cu e política di 2010-2017, pa hinca pensionadonan como consehero no a mira un cambio.

E maneho di desaster 2010-2017 tabata uza hopi hende pensionado pa ta consehero of den funcionan clave, awe nos no ta no mira un cambio drástico.

Berdad mester uza e conocimento y experiencia di esnan cu mas edad, pero no hinca nan den funcionan clave. Ta bon si cada ministro tin un of dos grupo di consehero den comisionnan( (yama nan Think Tank) cu ta delinea e maneho ariba un tereno pa e ministro concerni, pero nan por haci e trabao aki como part-timer (cobrando un toelage). Asina e pensionado tin tempo tambe pa su hobbynan cual ta importante pa tur hende.

Hobennan mester tuma e funcionan clave den Gobierno, pa asina tin continuidad den futuro.

Mas hoben den servicio di gobierno, tambe ta mas mihor pa e fondo di pensioen.

Mi ta menciona cu e generacion di relevo = e hobennan, den tur sector mester ricibi e oportunidad pa desaroya. Mi ta comprende cu nos ta biba den un comunidad chikito y hopi den funcionan clave pa hopi aña no kier move pa hobennan tuma over.

Esey no ta bon pa un sociedad den movecion, un sociedad cu kier bay dilanti, un sociedad dinamico. Mester tin retonan nobo , mester tin dinamismo.  Kedando den e mesun función, haciendo mesun cos pa añanan no ta trece prosperidad pa e país.

Nos ta wak esaki hopi den bida comercial, igualmente den mundo sindical tin lidernan máximo den sindicato cu ta 12, 15 y 18 aña na timon, cual  no ta indica nada positivo pa e lucha di e clase trahador. Pesey ta bisto un stancamento den e lucha di trahadornan na Aruba. Dinamismo, bon posicionnan den prensa, conocimento di materia laboral y accionnan bo no waak un, dos, tres, mas.

 

Grandura di Ehercito di coordinadornan a cambia of no?

Igualmente ta ser bisa cu e ehercito di coordinadornan no a ricibi un cambio drástico. Nos no ta mira e total cifranan pa haci comparación. Ademas CAFT ta haci mención di no tin mucho cambio. Maske CAFT ta hopi oportunista, después di ta coresponsabel pa e desaster financiero 2010-2017, awor kier bini cu man duro, no por!!

Hopi información ta sali den prensa y ariba medionan social, maske no tur ta di confía, pero

Pueblo mes lo sa con ta huzga gobernación awe y sigur den futuro tambe”, e ex sindicalista a remarca.

- Advertisement -

DUNA COMENTARIO

Please enter your comment!
Please enter your name here