Home Social Hopi hoben a purba alcohol entre un edad di 11 y 15...

Hopi hoben a purba alcohol entre un edad di 11 y 15 aña

77
0
SHARE
- Advertisement -

FADA cu yamado di alerta na mayornan

ORANJESTAD (AAN):  Rullienne Arends, Trahador Preventivo di FADA a duna di conoce cu nan ta drentando scolnan secundario pa recorda e hobennan ariba e peligernan di e consumo di alcohol.

E aña aki, a constata, e hobennan tin hopi mas durf pa expresa nan mes riba e tema aki. Nan ta bisando na ki edad nan a purba alcohol pa prome biaha y unda nan a haya esaki, Arends a indica.

Nobenta porciento di e hobennan cu a bisa cu nan a bebe alcohol a haya esaki na cas. Mayornan mes ta laga nan purba na cas, den fiesta di famia. Tin hobennan cu ta bisa cu nan a hacie scondi, cu nan mayornan no ta na altura di esaki. Pero ta un grupo chikito cu a laga sa cu nan a yega di bebe alcohol scondi.

Mayoria di e hobennan cu a bisa cu nan a purba alcohol ta entre 11 y 15 aña. Algun di nan a bisa cu nan a cuminza bebe for di nan 8 pa 9 aña cu nan a purba alcohol caba.

FADA ta haci un suplica na e mayornan pa no lubida cu alcohol na un edad jong tin consecuencia pa e hobennan. E hobennan ainda ta den desaroyo. Esaki no solamente tin efecto ariba nan salud, pero ariba nan cerebro.

“Nos ta pidi mayornan, nos ta pidi e familiarnan pa tene cuenta cu esaki. Pa ta un ehempel pa e hobennan. Loke e grandi ta haci, e hoben ta bay wak esaki y e ta bay haci mesun cos tambe”, Rullienne Arends a remarca.

FADA no ta bisa un hende pa no bebe, pero si pa haci esey di un manera conciente teniendo cuenta cu e consecuencianan pa cu salud, pero tambe pa loke ta concerni trafico. No stuur bao di influencia.

No lubida ariba e parti di droga cu tambe ta presente durante e temporada di carnaval. Tin varios substancia ilegal cu ta wordo uza durante y despues di e parada.

Riba esaki ta papia hopi cu e hobennan. Nan tin pregunta tocante entre otro ecstasy, cual ta un topico basta actual entre e hobennan awendia, a bisa.

- Advertisement -

DUNA COMENTARIO

Please enter your comment!
Please enter your name here