Home Comercio HUB Camara Santo Domingo lo tuma lugar den luna di Maart

HUB Camara Santo Domingo lo tuma lugar den luna di Maart

65
0
SHARE
- Advertisement -

Segun vice consul di Republica Dominicana:

ORANJESTAD (AAN):  Edward McCollum, vice consul y responsabel comercial di Republica Dominicana na Aruba, durante un entrevista a informa di e actividad HUB Camara Santo Domingo proximamente.

Esaki lo tuma luga dia 5 pa 8 di maart y ta e di 4 edicion. Aña pasa Aruba a participa cu 13 compania den diferente area di cierto productonan, di F&B tambe. E aña aki e ta wordo organisa na un manera mas profesional. Tur producto cu no ta F&B, ni ciga, es decir cu tur producto cu ta wordo manufactura na Republica Dominicana, di manufacturacion industrial, farmaceutico, construccion, servicio, tecnologia, lo bay tin un exposicion di e producto.

Durante e evento aki, dia 5 di maart, lo bay tin e metodologia di B&B, unda cu ta sinta cu esunnan interesa, cual agenda ta cla caba. Lo bay sinta cu e compania cu ta fabrica un producto na Republica Dominicana, cual lo por exporta e producto. P.e. tin cierto material di construccion di cierto tecnologia nobo, p.e. Un bloki of un klinker. Lo kier haya sa si tin e tecnologia na Republica Dominicana.

Tin interes caba pa e evento aki na Aruba. Tin basta material cu ta wordo uza na Republica Dominicana, cu ta wordo uza caba na Aruba. Na e momento aki tin 12 compania registra caba pa e evento na Republica Dominicana, di cual dos di nan ta basta conoci na Aruba cu ta bay pa e evento aki. Y ya caba Sr. McCollum ta haciendo e contactonan na Republica Dominicana.

HUB Camara Santo Domingo aña pasa a wordo teni na e mesun luga, Hotel Embahador y ya caba tin hende ta bolbe bay e aña aki. Tin incentivo di parti di gobierno Dominicano, unda cu nan ta cover 3 anochi di hotel cu e comerciante Arubiano no mester paga.

Y despues di cumpli cu e agenda di HUB di B2B, lo bay haya 300 dollar cash back, esey ta pa persona, pa compania. Si kier bay cu mas persona, toch ta un persona so lo haya e 300$ cash back (tur cos paga).

BASTA INTERES PA HACI NEGOSHI

Tin basta interes pa haci negoshi cu Republica Dominicana di parti di varios pais Europeo, incluyendo Hulanda. Ta keda na e comerciante Arubiano  pa opta pa bay Republica Dominicana pa haci negoshi na Republica Dominicana.

Sr. McCollum a sigui bisa cu e aña aki tur cos ta bayendo mas rapido cu dos aña pasa, unda cu tabata tin hopi sceptismo. Esey ta hopi menos e aña aki. E HUB mes ta di 5 pa 8, pero Sr. Mc Collum lo kier bay cu e grupo, incentivando pa bay te cu dia 10, pa bay un tiki mas aden, bishita e facilidadnan di fabrica, di dos compania grandi, un showroom cu ta e mas grandi di area di Caribe, di casi 4 mil m2 di beyesa di diferente cos cu por wordo treci Aruba y esey ta un miho cos.

Tin hende ta tumando Republica Dominicana hopi na serio, segun Mc Collum. E Dubai Ports World Wide a anuncia un inversion nobo di 800 miyon dollar pa ampliacion di e waf cu ya a costanan 240 miyon dollar. E salida di Republica Dominicana ta straight pa Aruba. Y e ta yega mas lihe, den 2 dia. Antes, p.e. Inclusive via aereo, e ta yegando practicamente tur dia for di Sto. Domingo. Y e ta posibel. E no ta algo facil, pero ta algo cu kier a logra.

Tin hopi producto manera productonan cu ta wordo fabrica na Republica Dominicana cu ya ta obtenibel na Aruba.

Recien Sr. Mc Collum a ricibi un email di fabricantenan di productonan farmaceutico/medicinal, cu ta manera branch di companianan farmaceutico grandi Canades, cu ta fabrica na Republica Dominicana y kier cuminsa exporta pa Caribe.

Tambe por subi e Facebook Page Comercio Dominico Arubiano pa mas informacion. Tin hopi posibilidad di haci negoshi cu Republica Dominicana.

Tin companianan Arubiano ta lantando nan negoshi na Punta Cana. Republica Dominicana ta brinda nan e oportunidad aki. Lo bay tin hopi oportunidad di comercio entre Aruba y Republica Dominicana.

- Advertisement -

DUNA COMENTARIO

Please enter your comment!
Please enter your name here